黑門市場係日本嘅好去處，因為嗰到可以買到好多新鮮食材。 日本橋站附近嘅黑門市場，我哋去過兩次。嗰度過有一間賣刺身嘅舖頭，入面有幾張枱俾客人即買即食，每次去，都見到好多香港人，嗰度D刺身超級抵，4件超肥美拖羅盛惠¥1000，有成隻熟蟹同蟹刺身，其他常見嘅刺身亦都應有盡有，真係大快朵頤！ 嗰度仲有D小型超巿，賣嘅和牛精肉平香港一半！仲有大量水果，我嘅最愛係巨峰士多啤梨同哈蜜瓜。奶類製品我哋都買唔少，直情飲奶當飲水。 另外一間值得推介嘅舖頭，係賣豆製品嘅，嗰度嘅豆漿超級濃又唔甜，真係好滿足！ 呢個黑門市場嘅另一亮點，就係四圍都有河豚賣，淨係睇下師傅切河豚嘅刀工都值回票價，我哋終於忍唔住，走咗入去一間叫浜藤嘅河豚專門店食河豚！一個餐咩都有得食，刺身天婦羅火鍋同粥，食到一滴都冇得剩，正！
