Tasmania係一個好可愛嘅地方。 南半球嘅氣候，聽唔慣嘅Australian accent，當地人超強嘅保育意識，人人買得起嘅物業，藍天白雲彩虹...呢D就係我對塔斯曼尼亞嘅印象。 有幾個地方，我特別掛念。 1）bicheno 呢度就係喺freycinet national park 附近嘅一個小鎮，penguin tour就係呢度出發，睇企鵝係一個好特別嘅體驗，企鵝細細隻頭愕愕好得意，睇企鵝唔俾影相，所有回憶就只有留喺腦海裏面。Bicheno 嘅另一景點，就係下面呢個blow hole，每個浪冚埋嚟，都會喺嗰個窿度發出巨響，浪花噴到好高好高，都幾過癮。 點擊圖片放大 2）Bruny island bruny island cruise 係一個出海睇動物嘅cruise，嗰日我哋見到好多唔同嘅雀鳥同海豹，沿途嘅岩石山窿懸崖等等都好雄偉壯觀，春天夏天可能仲見到多D動物，風高浪急都絕對不枉此行！ 點擊圖片放大 3）Bonorong wildlife centre 呢個係一個志願團體開辦用嚟收留受傷野生動物嘅中心，都有唔少動物，包括Tasmanian devil, wombat, 樹熊袋鼠，仲有隻藍蜥蜴，laughing bird, 有好多唔同嘅鳥類。wombat 唔係度度有得睇，但佢肥騰騰慢動作真係超得意！嗰到有得餵袋鼠，但我就麻麻地喇... 點擊圖片放大 4）platypus house， Beauty point 呢隻名為鴨咀獸嘅東東，同埋嗰度都有得睇嘅echidnas, 都係屬於生蛋嘅哺乳類動物（真係好confusing！），鴨咀獸係徹頭徹尾怪胎一隻，澳洲獨有，嗰度有D video放俾遊客睇下佢嘅成長過程；而echidnas 就有3隻，全部都有名，其中一隻叫edward，工作人員話echidnas 喺細個嘅時候係分唔到性別嘅，呢幾隻嘢都好得意，3隻餓鬼舔清光自己隻碟再舔埋隔離嗰隻，好搞笑！ 點擊圖片放大 5）wineglass bay cruise 睇wineglass bay可以行上山望全景，亦可以join呢個cruise喺wineglass bay遊下船河，嗰日出海都見到唔少雀鳥，有好大個巢嘅sea eagle，仲有好多海豚，好興奮㗎！船上有得食即開生蠔、芝士、香檳同地道蘋果汁，船上有隻狗狗，佢會示意大家去睇海豚，狗狗都好乖，不過就食咗D芝士嘔到一地都係。 點擊圖片放大
