上個月寫咗《2gether the series》花痴劇評，其實追晒套劇都有啲失落。跟著上個星期發現出第2季 《still 2gether》，原本以為會好似第1季咁有10幾集，點知係番外篇嚟嘅得5集，但對我呢啲劇迷嚟講都好開心㗎喇！可以睇到Sarawat（Bright）& Tine（Win）呢對好cute嘅CP互動，♥ᴗ♥心仔都甜晒！睇到甜到漏糖嘅原因得一個，就係男主角Bright 超靚仔 ^▽^hahahaha 顏值高不特止，仲要有演技，又識自彈自唱OMG 真係好有大紅大紫嘅潛質！第2季嘅 Sarawat & Tine 一齊嘅日常，各種灑糖，真係睇到心花怒放。好期待呢5集嘅發展，唔知會有咩劇情？！我都係睇咗第一集咋，近嚟又有得追吓劇 yeah！v(￣︶￣)y ▼上個月寫嘅花痴劇評▼▼ ▼ ▼ ▼ ▼ ▼ 【慎入】誤闖腐女的世界《只因我們天生一對 2gether the series》 呢排應該又要小啲出街，雖然我個心已經飛咗好多次，無得去泰國旅行，所以近排睇咗套泰劇一解無得去旅行又想去旅行之苦 (＞x＜)首先要講吓點解會留意到呢套泰劇先，因為我真係極少追泰劇，居然係3個月前一單關於中泰網友罵戰嘅新聞，twitter轉發一張相就可以引起罵戰，男主角Bright 就係因為呢套劇爆紅，人紅是非多，睇過相就知點解會爆紅。真係幾靚仔，跟著即刻要follow佢 IG ♥ᴗ♥ 就係因為八卦，開始搵佢點解套劇會爆紅《只因我們天生一對 2gether the series》，原來係講男男戀 (,,Ծ‸Ծ,, ) 嗯！男男戀真係興趣不大，睇開偶像劇嘅我，有啲...... 所以一直都無開始睇呢套劇。要開啟腐女之路真係有啲難度，心理關口真係有啲難過，男男戀 ( >д<) 朋友話前題可能要兩個都靚仔，嗯！我諗我都係睇中22歲小鮮肉混血男神Bright嘅盛世美顏(´∀`) 最近終於都追呢套劇！ 《只因我們天生一對 2gether the series》係一套校園純愛BL喜劇，劇情其實唔係咩重點 hahaha 其實係喇，套劇大約係講男主角Sarawat（Bright）係校內嘅風雲人物，Tine（Win）俾個男同學追求，跟著去搵Sarawat 幫手扮追佢，想嚇走個男同學，之後就大家發展為 ≖‿≖你懂得！ 套劇嘅節奏好快，間中仲有啲笑料，最緊要係男主角Bright 撩男對話，真係激出無數女生嘅多巴胺急升，真係撩好撩滿 ٩(๑♥ᴗ♥๑)۶ Sarawat 係劇中又係萬人迷，又識彈吉他，足球又勁，真係少男少女通殺。真係靚仔到諗唔到點形容，激發好多女孩心中嘅 butterfly 都飛晒出嚟，花痴女粉絲＋1 ٩(♥ᴗ♥)۶ 無得飛泰國，個心飛住butterfly 先啦v(￣︶￣)y 唔好意思，太誇張，收返啲口水先 ≖‿≖ ！睇完套劇終於都明白BL劇點解女仔會迷（直男一定呢世都唔會明），因為編劇寫嘅橋段根本係好多女仔嘅夢想！有睇開BL漫畫就知有三大橋段成日都出現，呢套劇完全唔小得，靚仔男主角專一、同居、送定情信物，完全滿足女孩嘅幻想，唔理對像係男係女^▽^ 代入Tine角色中。。。。。。 另一個男主角Tine 都演得幾可愛，顏值都唔差，真係好得人鍾意！ 《只因我們天生一對》有好多中文譯名，但我就係鍾意呢個名♥ᴗ♥ 愛到可以跨越性別，因為係「你」所以愛唯一嘅「你」，浪漫到溶化！簡單嘅純愛可能現今嘅社會好難有吧，大概人們都想追求，但又好難得到！睇完真係好感動，如果我係Tine一定會唔理世俗咩都唔理出櫃♥ᴗ♥ 隔壁棚嘅《夫妻的世界》令我覺得大人嘅世界太複雜 (ఠ్ఠ ˓̭ ఠ్ఠ)，但呢個就係寫實劇！無咩事我都係再重新睇多次《只因我們天生一對》，幻想著自己係Tine！寫呢篇文真係一路寫一路笑，花痴無誤٩(✿∂‿∂✿)۶ hahaha *所有圖片嚟自網上*☆Facebook☆ ★instagram★ Natalie ★instagram★ ☆Facebook☆ Blog ☆Beauty Exchange☆★She.com★☆U Blog☆★Blogspot★for any enquiries pls contactchunatalie4@gmail.com
