要去食好西,首先要訂位!如果要食米芝蓮嘅餐廳,就更加要訂定位,需知道米芝蓮餐廳嘅位難求,唔訂定真係會無得食囉。去旅行前為咗安排得好啲,通常我都會去網上做咗功課先,近排發現咗有個網頁,可以訂任何全日本咁多餐廳,真係方便到震。咁方便,出發前一定要訂定位喇! 今次介紹呢間米芝蓮三星懐石料理,都可以去上呢個網 tripla按入聊天室,就會有人同你對話,俾你想訂嗰間餐廳嘅網址、想預訂嘅時間,就會有人幫你訂喇! 菊乃井係米芝蓮三星懐石料理,我人生第一次去食嘅懐石料理,榻榻米獨立房間,仲有庭園景觀,真係超級日式享受!由於個人又想享受,但又唔想俾咁多錢,決定食午餐,因為差不多平一半XP 第一份嚟嘅菜,相都唔記影,因為只係同佢合咗照! 懐石料理嘅午餐都好豐富,頭盤、主菜、甜品都齊全。 左邊呢個湯,真係好飲到不得了,有黑松露味道,當中有個好似餃咁嘅蛋包住蝦,真係超好食,好食到好難形容,真係要去食先可以知道嗰種感覺!另一邊個鰻魚飯係白色,顛覆左我對鰻魚飯嘅感覺,但真係好好食,有一種清爽嘅感覺! 其中有一個鍋物,係肉質Q彈嘅河豚! 甜品係柚子嘅杏仁奶凍,仲有一個和果子。菜式唔介紹咁多嘅原因係菊乃井個個月份菜單都唔一樣,再去嘅唔會重複,拎到米芝蓮三星果然係不時不食嘅餐廳! 去京都可以去試下呢間米芝蓮三星懐石料理,會有不錯嘅旅遊經驗!去之前記得去呢個網頁訂定位先喇 =>tripla 菊乃井 地址:日本〒605-0825 Kyoto, Higashiyama Ward, Shimokawaracho, 鳥居前下る下河原町459 Yasaka Dori 網頁:https://kikunoi.jp/chinese/ ☆Facebook☆ ★instagram★ Natalie ★instagram★ ☆Facebook☆ Blog ☆Beauty Exchange☆ ★She.com★ ☆U Blog☆ ★Blogspot★ ☆Cosmo Blog☆ for any enquiries pls contact chunatalie4@gmail.com