去咗咁多次台灣都係第一次去台中，估唔到台中都幾靚，好多地方街拍都好有feel喔！決定下次去要留多幾日慢慢行，可以影多啲相。 台中蔦屋書店係全球20間最美的書局之一，好多人去台中都會朝聖，呢間書店除咗有書之外有咖啡店，有雜貨、文具，樓下仲有吳寶春麵包店，嚟呢度影相打卡真係好靚靚。另外仲可以飲下咖啡HEA下，真係好休閒。 台中蔦屋書店 地址： 407台灣台中市西屯區市政北二路18之1號 台中蔦屋書對出有好多大廈都好靚，勁有外國Feel。街拍真係超有感喔。 除咗觀光之外，今次我安排咗俾自己變靚嘅行程，就係去做醫美。診所都係台中國家歌劇院附近好方便。呢間診所要3個月前預約，黃勇學醫生有二十年皮膚專科嘅經驗，佢係四季診所及二林皮膚科診所嘅院長，係大師級國際教育講師。聽聞好多貴婦都係預約嚟呢度做醫美保養皮膚。 醫學美容3大類，整形手術、針劑、儀器，今次去做嘅係儀器。本身我面頰有斑，打過幾次由治療師操作嘅1064激光都清唔晒，所以今次去打皮秒。由醫生主理嘅呢部機係范爺都有打過嘅 PicoSure™ 蜂巢®皮秒雷射，FDA 認證可去除表皮及真皮色素性病變，打斑一流！ 點解要山長水遠去台灣打，原因係價錢同技術都啱我。醫生操作會調較到較大嘅效果，因為佢地有專業皮膚知識，可以因應客人嘅皮膚狀況得到最大嘅效果。因為係香港治療師操作唔會較到咁大，就算同一部機都未必得到我想要嘅效果。而香港醫生打又比較貴，去呢度旅行之餘仲可以變靚靚，一舉兩得！ 去到先做咗會診先，黃勇學醫生其實有建議我做皮秒＋Sculptra，但由於個人對打針有小小怕痛，所以都係做咗皮秒先。見到黃勇學醫生老婆勁靚女，仲有上雜誌，即刻勁有信心，醫生娘完全唔似四十幾，勁後生，佢仲係診所嘅藝術總監，對美學好有研究，亦都俾咗好多變美嘅意見俾我喔！ 就講住咁多先，之後出多一篇Blog詳細介紹，分享Before and after！ 四季診所（20skin醫美集團） 地址：407台中市市政路500號20F-8(親家T3商業大樓) 做完療程可以即刻化妝，上鏡完全唔會有紅嘅情況，即刻又可以去玩喇！上面張相係診所樓下影嘅，幾有街拍Feel！ 療程完後，可以直接行去台中國家歌劇院，都係幾分鐘嘅路程。曾獲普立茲克獎嘅日本建築師伊東豊雄設計，無樑柱"曲牆"建築工法，影相好靚喔，裡面有好多影相位，仲有空中花園，好值得嚟影下相。 台中國家歌劇院 地址： 407台灣台中市西屯區惠來路二段101號 ☆Facebook☆ ★instagram★ Natalie ★instagram★ ☆Facebook☆ Blog☆Beauty Exchange☆★She.com★☆U Blog☆★Blogspot★☆Cosmo Blog☆for any enquiries pls contactchunatalie4@gmail.com
