女仔鍾意買嘅野不外乎,化妝品、護膚品、衫、褲、鞋、襪、袋。。。。 數之不盡,去到外地同樣要買買買。黎泰國除左買零食之外,都要買以下嘅人氣搶手貨。 先講左Boots真係必行嘅地方,真係超多野買。沐浴露都買左3支返黎,勁狂haha。記得問店員拎張咭,有折㗎。 買夠2000泰銖仲有得退稅,係機場攞返錢。 去到Boots一定要買Boots產品,買左Aloe Gel、Lavender & Liac Massage Oil、女性衛生用品。 咁啱無晒粉餅,買左No7 Foundation Powder,都幾滑嘅個質地。 Snail White 面霜就聽得多,但有無見過沐浴露先。係街度見到太多廣告,忍唔住買左支。 因為個人有濕疹,之前嚴浩有講過椰子油可以改善濕疹。即刻買左2支油,2支沐浴露,因為買一送一。仲made in UK,好抵。 呢支Body Scrub達人叫買,買2送1。 點小得買香薰,呢支Aroma Spot Roller,可以幫助睡眠。薰衣草,香、relax。 呢個面膜粉好得意,買之前完全唔知係咩,但見佢包裝太靚同埋Since 1948,就買左。好多地方都見到有得買,返到黎Google,呢個粉可以控油去痘淡痘印。真係好去油,所以敷完要做返保濕。 點擊圖片放大 呢個ele MINERAL WHITE MASK PLUS 泰國好多明模、明星都有推介,排毒祛黃暗祛斑補水美白睡眠面膜。竹炭成分可以消毒皮膚,有vit C & E 美白祛斑,Glutathione保濕,好似好多功能,正。 蛇爽身粉、青草膏,唔使介紹都必買啦。 呢支Peppermint 都係唔使介紹都必買,之前經痛篇文都有介紹佢。 MISTINE泰國第一彩妝品牌,呢支眉筆勁方便,有畫有掃有粉,3樣都有齊,好正。 點擊圖片放大 另外仲買左MISTINE粉餅,包裝勁靚,忍唔住買左。 NIVEA呢個cream,日本妹超鍾意,因為@Cosme 之前出左篇文,話佢大部份成分同Le Mer 個保濕霜好似,所以日本好熱賣。泰國都好平,可以入手。 唔知點解,喜療疤同搽肌肉果支係泰國買勁平,真係要買返支。 泰國咁多蚊,蚊怕水一定要買,有噴嘅,有lotion嘅,兩款都買晒,仲有花香味又唔笠。 以上試品其實好多地方都有得買,好得意7仔都有護膚品化妝品賣,但Boots最齊全。地址都唔使講咁多,因為Boots係泰國同7仔無咩分別,總有一間係左近。 我係7仔買左呢支好似香水嘅野。其實7仔好多護膚品化妝品賣。同我之前去泰國感覺好唔同,多左好多野買。 講完Boots講下ASIATIQUE The Riverfront有咩買。 點擊圖片放大 Cathy Doll呢個平價牌子係泰國勁多地方有得買又多廣告,所以我好好奇咁買左佢幾款產品。 點擊圖片放大 呢個又金箔又蝸牛又蜜糖,睇都覺得勁,買返盒都唔太過份。敷完皮膚好滑,開心仔。佢都係sleeping mask黎,不過我當面膜咁敷。 CC Cream就用得多,CC 粉餅都係第一次。其實都係見包裝靚先買咋haha。韓國製造嘅。 呢個黑頭清潔面膜,睇圖好似好勁,跟住又買左。haha 女人幾麻目。 泰國香皂一定要買,真係好香,又靚^^。 最後呢兩支Hello Kitty爽身粉,唔記得左係邊買haha。但勁平囉。 去ASIATIQUE The Riverfront夜市我有係VOOV呢個APP做過直播,可以睇返重播。另外有一次係介紹手信,可以download VOOV直播 ★Natalie Chu★ ID:600204301 訂閱Natalie ☆YouTube☆ ★instagram★ ☆Facebook☆ VOOV直播 ★Natalie Chu★ ID:600204301 Blog ☆Beauty Exchange☆ ★She.com★ ☆U Blog☆ ★Blogspot★ for any enquiries pls contact chunatalie4@gmail.com