就黎農歷新年，有無諗住去邊呢？每年我都一定會同屋企人去花墟行下，買下花。花墟俾到我童年回憶，因為我讀果間小學就係對面。每年去行都睇到變遷，早排去行發現一間日系花店。未入間舖，門口已經有好多盆栽，好似去左日本東京目黑區自由之丘(自由が丘)，真係好靚。 一入到去就見到金賞蘭花，呢度賣嘅花係日本黎，每年都會攪一啲花卉展覽，之前亦有邀請長野縣花農代表Ando Tadayuki先生黎花店介紹花卉。花店定期都會有workshop，教下插花之類嘅活動。 連盆栽都有日系Feel，真係好正。 仲有一啲，盆栽BB，有一對結婚BB，有朋友結婚可以買黎送俾人。 點擊圖片放大 再行入小小，飄左一陣咖啡香氣黎，嘩原來有隱藏Cafe。 間Cafe嘅咖啡師有去參加比賽，咖啡質素應該唔差，見到有好多咖啡專業器材賣，都係日本貨。不過我去到已經太遲，Cafe收工了，果時好似差唔多6點。 除左咖啡仲有一啲輕食，蛋糕麵包都係自家製。定期仲會有烘焙Workshop。 呢度無WI-FI，睇下書，睇下花，同朋友傾傾計，大家一齊慢活一下。一間花店有得食野飲野，又有得買野，又有得學下野，真係唔係一間花店咁簡單。下次去一定要拎本書去扮文青。 Hay Fever Floral & Gifts Limited 花粉熱鮮花禮品有限公司 地址：九龍旺角花墟道62號地下 電話：23970668 訂閱Natalie ☆YouTube☆ ★instagram★ ☆Facebook☆ Blog ☆Beauty Exchange☆ ★She.com★ ☆U Blog☆ ★Blogspot★ for any enquiries pls contact chunatalie4@gmail.com
