去得果兩日韓國，食得果幾餐，聽說醬油蟹必食。食醬油蟹，當然去朝聖啦。PRO醬蟹專門店超多明星名人去，我未食過就一定揀去呢間。食燒肉都有去，但同香港大同小異。但有一間食排骨湯，係我完全無諗過咁好食，因為我地係去食宵夜嘅時候發現，完全勁驚喜，邊有人諗住去韓國要食排骨湯。 원당감자탕元堂馬鈴薯排骨湯 呢間食薯仔鍋嘅舖頭，菜單上唔太多選擇但有中文，而且我地成12點幾先去食宵夜，想叫果幾樣都賣晒，最後我地只叫左薯仔排骨湯。好後悔等到宵夜時間先去呢間食，因為返黎寫呢遍文先知道，原來呢間薯仔鍋大有來頭，連SBS電視台都有介紹過。我唔制呀，去到咩都賣晒，食得一個鍋咋。T.T 呢個鍋有薯仔、排骨、金菇、韭菜、大白菜、好似粉絲嘅麵、用麵粉做嘅一塊塊唔知叫咩名，最緊要係個湯底，一定用豬骨煲左勁耐，湯好濃但唔似用味精果隻味。 每塊排骨有成隻手掌咁大，炆到好”淋”，一咬就離骨，肉質鮮嫩唔柴，好好食囉。完全無諗到韓國排骨湯咁好食。薯仔又係煮到勁淋勁入味，泡菜又好食。果個好似粉絲嘅麵，可以單叫，我地痴左線咁叫左3次，連個店員都用好奇怪眼神睇我地haha。因為個湯真係太好味，而且我地想叫其他都賣晒啦，做咩唔俾人叫3次好似粉絲嘅麵啫。零下幾度飲熱湯，真係好正，好食到食飽好想轉圈圈haha。 呢間薯仔鍋都算係我去韓國最好食嘅一餐，下次有機會去一定要早啲，我仲想食其他野囉。 원당감자탕元堂馬鈴薯排骨湯（明洞2號店） 地址：首爾特別市中區忠武路1街25-33（서울특별시 중구 충무로1가 25-33） 電話：02-757-7612 營業時間︰24 小時 프로간장게장PRO醬蟹專門店 呢世人都未食過醬油蟹，咩味完全唔知，感覺好期待。聽說一定食醬油蟹同伴飯。呢間達人推介最好食醬油蟹，勁多人介紹過，又有好多明星名人去過，經營左成30年，好似唔黎過就無去過韓國咁。所以一定要去朝聖。 未食過醬油蟹嘅我，第一個感覺係爆多膏，多到不得了，但本人覺得零下幾度食太凍，但個伴飯真係不得了，好食到叫多碗，冬天都係要食飯haha。一定要食個伴飯都有好多蟹膏，有蛋同芝麻，攪拌一齊食，好香，個汁小小辣，好野味^^。 活章魚可以唔食，因為無味，得章魚原味加麻油味。 辣味安康魚湯都可以唔食，因為個湯得辣味，魚又好柴，最緊要係個湯好貴又唔算好食。 下次去食伴飯同醬油蟹算喇haha 프로간장게장PRO醬蟹專門店（新沙店） 地址：首爾特別市瑞士區蠶院洞27-1專業大廈1～5F（서울특별시 서초구 잠원동 27-1, 프로빌딩 1～5F） 電話：02-543-4126 營業時間︰24 小時 訂閱Natalie ☆YouTube☆ ★instagram★ ☆Facebook☆ Blog ☆Beauty Exchange☆ ★She.com★ ☆U Blog☆ ★Blogspot★ for any enquiries pls contact chunatalie4@gmail.com
