冬天必食打邊爐，食麻辣鍋係最過癮。無理由夏天食麻辣鍋，食到大汗耷細汗，為咩先。梗係冬天食先夠過癮啦。 呢間舌尖上的中國2都有介紹過嘅火鍋，終於都Book到位，想食都唔係話可以即刻食。要係香港食地道正宗重慶麻辣都幾難，本人覺得麻辣最好食嘅係重慶，因為辣到個咀仔跳下跳下果下覺得好爽。haha 原來呢間火鍋店，係重慶最紅，全國有200幾間分店。嘩，咁勁咩。 未黎過，以為會好貴，因為有飲食節目光環，但其實都價錢合理。 鴛鴦鍋，辣湯可以揀普通辣／重慶辣，揀普通辣先，唔夠可以加，中間個湯都可以揀。湯底好濃郁，好太陣牛油味，但唔會咸，辣味好有風味，完全正宗。 點擊圖片放大 最攪笑係，所有必食嘅野我地只叫左一樣haha 因為個人認為食個湯底都值。曉宇苕粉唯一係四川入口，煮到透明都好煙韌。必食item分幾次叫，有借口去多幾次haha 無豉油點，係我最唔慣haha。佢地有個生蒜加香油，仲可以加小小蔥，其實個湯底已經好香，唔點野就咁食都好夠味。 個湯越煲越辣，食到個人流晒汗，胃都熱埋，冬天食真係無得輸。火鍋店命名為渝味曉宇重慶老火鍋，曉宇係老闆娘個名，聽到都有幾分浪漫。香港終於有得食好味嘅麻辣火鍋，又多個火鍋選擇^^ 渝味曉宇重慶老火鍋 地址：銅鑼灣渣甸街50號渣甸中心8樓 電話：3703 9318 訂閱Natalie ☆ YouTube☆ ★ instagram★ ☆ Facebook☆ Blog ☆ Beauty Exchange☆ ★She.com★ ☆ U Blog☆ ★Blogspot★ for any enquiries pls contact chunatalie4@gmail.com
