包車去玩真係好方便,仲有車款可以揀。BENZ3500台幣8小時,都係貴700台幣。上次去宜蘭問左好多問包車,呢間係最抵。【禾風觀光旅遊車隊】 台北去十分車程約一個鐘,睇大瀑布果時見到雙彩虹,聽說會帶黎好運。 點擊圖片放大 +2 十分火車站有好多人放天燈,有興趣嘅可以去放,但我就無放。因為之前睇左條片,放左GPS及鏡頭係天燈度,睇到落地好多天燈污染環境,所以就無放喇。食下野行下都可以感受下旅遊氣氛。 好彩有包車,因為我無啦啦發燒,係車度可以瞓一陣。司機和先生好好人,幫我買藥,仲借藥油俾我提提神。 之後去左基隆食海鮮,基隆碧砂漁港係著名嘅觀光漁市,一邊係好似街市咁,揀左海鮮去對面餐廳煮。司機和先生仲怕我地遊客俾人呃,落車帶我地去大本營活海產一齊買左先,之後仲同餐廳果邊溝通埋想點煮。真正感受到台灣人嘅熱情。 點擊圖片放大 食飽飽,但天氣開始差,落毛毛雨,去埋南雅奇石,睇埋石要走。本身想去九份,但已經唔俾車上,夜晚會有颱風。去到海邊,超大風,又落雨,睇左一陣都走。 去台灣真係要帶遮,因為真係成日都落雨。包車真係好方便,路程司機會幫你安排,因為佢地熟路,只要你同佢講大約想去邊,佢就會幫你諗埋,我咁懶,實Like啦。自由行包車正,一家大細更好。 訂閱Natalie YouTube https://www.youtube.com/channel/UCcCDP5Ev6aXt2_P4FWgLzRQ instagram https://www.instagram.com/nataliechu/ Blog http://www.beautyexchange.com.hk/blog/NatalieLuvBeauty http://blog.she.com/natalieluvbeauty/ https://blog.ulifestyle.com.hk/blogger/natalieluvbeauty/ http://natalieluvbeauty.blogspot.hk Facebook https://www.facebook.com/Natalieluvbeauty for any enquiries pls contact chunatalie4@gmail.com