((來源：한국관광공사 韓國觀光公社)) 幾個月前，偶然響網上見到呢張相，立即被呢個畫面吸引住，隨即成為我下趟旅行目的地。 韓國 慶尚南道 - 鎮海 由果日起，我一有時間就上網睇人地嘅Blog，夾夾埋埋睇過上百個嘅Blog/網頁， 搵咗好多資料，好多Blog友都會將鎮海排入釜山行程嘅其中一站， 所以我計劃2014年4月黎一趟追『櫻』之旅。 呢次追『櫻』嘅行程，基本上由我睇到呢張相開始，不斷搵好多好多關於釜山嘅資料， 發現好多地方都好吸引我，不過始終釜山無首爾咁熱門，開頭搵嘅資料唔太Update， 呢一Part都花咗好多時間，好彩最後都整理好一個大概嘅行程。 機票：釜山航空 (好可惜，搶唔到FLY & GO HKD990未連稅機票，但釜航票尾有好多優惠) 住宿：Mr. Egg Hostel Original [Nampo] (網上評價不俗，目前感覺不錯，電郵回覆好快，住完再比分) 行程： Day 1 甘川洞文化村 → 五六島天空步道 → 札嘎其市場 → 40階梯 → 龍頭山公園 → BIFF廣場 Day 2 慶尚北道 - 慶州 → 佛國寺 → 石窟庵 → 新羅千年公園 Day 3 慶尚南道 - 鎮海 (帝皇山公園 / 余佐川橋) → 冬柏島 → 海雲臺海水浴場 Day 4 海東龍宮寺 → 機張市場 → Casino(絕對唔係病態) / Duty Free → 迎月嶺 → Spa Land Day 5 梵魚寺 → 西面市場 → 太宗臺 目前行程大概如上，雖然開始搵資料時有啲阻滯，但之後搵到好多寶島Blog友嘅部落格， 有好多都寫得好清楚，所以編排行程時好似已經去咗一次咁，但我仍然好期待呢次出遊。 希望可以遇到櫻花盛開期，同埋好想可以坐到火車，希望行程上安排到。
