新年個幾日，成日食賀年糕點啲煎炸野食，而且四處拜年又玩到半夜，搞到生理時鐘都錯曬，連帶連我嘅皮膚狀態都搞到錯曬呀>< 暗瘡、暗粒、因缺水而出現嘅細紋通通都黎曬搵我，真係唔想見人呀=^= 所以我即刻約咗美容師做Facial，急救我塊面仔…. 預約做facial時，我冇揀到要做邊一款facial，因為問題太多，所以美容師話當日見面先決定我做邊款facial。卸完妝之後，佢話我皮膚深層有皮脂、老廢角質等阻塞，再加因為肌膚水分不足，而有衍生炎症。綜合各種問題，美容師覺得PowerJet+透亮淨肌療程最適合我當刻嘅狀況，因為PowerJet+係一部集收細毛孔、毛孔淨化、補水嫩肌、促進膠原彈白增生、減淡細紋功效於一身嘅儀器，可以全方面解決都市人最常見嘅皮膚問題。 Step 1: 毛孔水療 (網上搵嘅示意圖)Step 2: 緊緻射頻用嫩膚機頭配合真空負壓技術碌面，可以刺激膠增生，改善細紋，令肌膚回服柔軟。 Step 3: 雙極射頻透過雙極射頻光療技術，全面提拉肌膚，提升肌膚彈性同亮澤度，令肌膚重現光澤。 Step 4: 真空吸力射頻使用多極射頻撃散深層脂肪，重塑V面。 Step 5: 紅光修護以LED紅光加速皮膚的新陳代謝。修護受損的細胞，同時細緻毛孔。 整個療程一共做咗75分鐘左右，過程好舒服，一啲痛感都冇。而且個碌面個時，個機頭暖暖地，寒冬做都唔怕XD呢個療程最明顯嘅效果係做完療程一起身，肉眼可見面上少咗好多黑頭、油脂及粉刺，成面即刻平滑咗好多，而且本身鼻翼2邊有泛紅，但療程之後已經完全降曬紅，而且成塊面好似飲飽水咁，充滿光澤感。 過多1個星期之後，我覺得效果最好。成面又平滑又透亮，原本面上啲乾紋都冇曬，簡單上個有色防曬再加個碎粉定妝已經夠做。即使上粉底，妝感都好貼面，出咗成日街都冇出現卡粉同浮粉嘅情況。另外個真空吸力射頻都真係有啲料到，做完之後雖然唔可以同HIFU呢啲高能量儀器嘅效果媲美，但對於因為作息不正常而導致嘅水腫面都幾有用。做完之後鬆泡泡、浮腫嘅面，有慢慢消腫，尤其Jawline位置最明顯，五觀感覺上都好似立體咗。 雖然唔希望會再經歷多次爛面，但我私心都幾鍾意呢部機，會想keep住做。可能每2-3個星期做一次，當係個定期保養，深層清潔加為肌膚底層補水，以維持肌膚嘅穩定性，仲可以有提拉同緊膚嘅功效，一舉兩得呀!
