即將會去日本旅行, 又係準備要大掃貨啦~~~ 我開關開之後去咗幾次，每次都係買番啲日常生活常用嘅產品，不過我發現其實我好多買黎補給嘅產品，香港都已經有得買，而且價錢又差唔多，所以我決定今次我要做足功課，專買一啲暫時係日本獨家嘅牌子同產品，咁先唔會浪費我個喼嘅位置呀~ THREE第一個牌子就係啱啱係香港撤櫃嘅THREE T^TTHREE呢個牌子一直都好多朋友有用開同推薦過，尤其是佢地嘅底妝系列~ 而身邊最多朋友推薦我用嘅產品就係佢支base。 呢支Base結合防曬、潤色同保濕功效。質地易推得黎夠潤身，塊面由朝到晚都唔會有一種比抽乾水份嘅感覺。而且佢嘅潤色效果，單用佢已經有一層glowy又薄嘅或妝，而且防曬度數足夠日常生活。On-top再疊粉底，會令之後嘅底妝非常貼面且持久。我朋友仲話呢支base絕對係乾肌懶人必備嘅產品。所以我決定一定要買番一支base番黎呀!另外，佢嘅卸妝油都有不少朋友介紹過，所以如果我到刃去日本見到有做promotion set，都會想買黎試下。 IHADA IHADA係資生堂選下嘅一個開架牌子，主打敏感肌適用嘅藥用護膚品品牌，但香港暫時未有官方途徑售賣。近期最熱門就一定非佢嘅敏感肌藥用防曬UV粉餅莫屬。 住日本嘅台灣Youtuber Meg Lu都大讚呢個粉餅係佢用過成份溫和，但妝感最細緻嘅粉餅。另外，佢嘅護膚品-藥用乳霜都係另一款明星商品! 已經摘下＠cosme三冠王寶座! 最重要係成個牌子嘅產品價錢都非常親民，所以入曬佢成條line嘅護膚品都絕對唔會肉痛呀。 HABA-White LadyHABA係香港都有專櫃，點解去到日本都仲要買?!原因係HABA有部分商品係只限日本境內發售，包括以下介紹呢支藥用美白精華White Lady。 White Lady曾經都有係香港發售過，不過後來就改成只限日本先有得買，所以我而家每一次去日本都一定會買番一支補貨。呢支White Lady蘊含HABA皇牌鯊烯油，再加入美白成份維他命C，一支同時有效補濕、美白。每一次清完粉刺同暗瘡之後用，可以明顯應受到佢嘅美白功效，啲印好快就變淡咗好多。即使面上冇咩瑕疵都可以用呢支White Lady，因為持續使用一段時間之後，會明顯感覺肌膚變得更加透亮光滑，而且肌膚會變水嫩Ｑ彈。我稱佢為㗎妹水光肌神器，十分推薦比每一位去日本嘅朋友，真係人見人愛嘅精華。不過，由於佢係冇添加任何防腐劑，所以佢嘅保存期限不足一年，同埋產品一開封之後3個月內就要用完啦，所以唔可以囤定貨呢><
