咁快就已經到年尾啦,又到要不斷出席Party嘅時間。我呢啲未雨綢繆嘅人當然一早已經有曬準備,要係Party上艷壓全場啦,但我曾經引以自豪嘅V面,隨住年紀嘅增長,再加上我好鍾意飲珍珠奶茶,可能𡁻得多珍珠嘅關係,令我塊面嘅咀嚼肌越來越發達,塊面明顯冇以前咁尖,於是我就上網睇有冇咩治標又治本嘅方法。 千祈唔可以懷疑女人想要變靚嘅決心! 因為上網見到推薦HIFU同Botox嘅人都係不相伯仲,而我爬完文之後,又覺得各有千秋,所以令我好想試曬2個療程呀~~~然後又真係比我搵到Oasis Medical有齊2個療程,心動不如馬上行動,所以我當下就即刻係網上登記咗HIFU同打Botox啦!**PS. HIFU同Botox係唔可以係同一日完成架,因為打完Botox之後係要需要時間俾Botox固定喺注射位置度,網上一般都建議注射完Botox 4小時內唔好躺平/按壓注射位置, 所以當然係唔建議即時做HIFU喇。打Botox前會先見醫生進行咨詢與評估,醫生會評估同檢查我嘅面部結構,了解我想要改善嘅區域,確定最適合嘅注射位置、濃度、分量同注射深度。醫生會根據我嘅需求係臉部標記注射點,尤其係我最在意咀嚼肌發達嘅區域,確保Botox可以準確注射到目標位置。 Botox注射過程非常迅速,睇得出醫生嘅手法都好純熟,好快就將Botox準確注射到標記嘅位置。為咗減輕注射區嘅不適感,注射之後護士幫我冰敷咗15分鐘,同埋亦都講番相關注意事項比我知,例如避免按摩注射區。 兩個禮拜之後,我就去再去打HIFU啦~一如以往都係先見醫生進行咨詢與評估。醫生會詳細了解我嘅需求同期望,並檢查我嘅面部結構確定最適合嘅治療方案。打HIFU前,醫生會係先係之後要治療區域搽凝膠,感覺涼涼哋,可以用黎抵消做HIFU時熱能對表面皮膚帶來嘅不適感。 療程一共會使用2個唔同大小HIFU機頭,根據需求精準應用於治療區域。每做一個機頭前,醫生都會同我介紹番個機頭嘅功能,3.0mm嘅機頭重組膠原蛋白,增加肌膚彈性;而4.5mm嘅機頭則收緊SMAS筋膜層,刺激膠原蛋白增生並重塑肌底膠原網絡,徹底提升輪廓。 過程中我又唔係好感覺到痛感,只係感受到輕微灼熱感,但絕對係可以忍受到。 2個療程都唔係可以即時有明顯嘅效果,需要3至6個星期先可以睇到瘦面效果。 做完Botox同HIFU到而家已經3個幾禮拜,我感覺到咀嚼肌放鬆,令臉部線條變得更加柔和。臉部緊實感嘅提升,輪廓逐漸變得更為明顯,尤其是係腮線同下巴區位置。皮膚表面變得更加平滑,肌膚不僅緊緻,仲可以改善毛孔、細紋、膚色不均等問題,呈現更細緻光澤嘅效果。 我真係非常滿意呢2個療程帶黎嘅瘦面效果呀!! V面個效果顯著得黎又好自然而家我照鏡見到自己個樣,都覺得明顯尖咗,明明冇減肥,但視覺效果睇落都瘦咗呀~~~所以我真係大推呢2個療程比貪靚嘅大家呀!