又發現一間隱世樓上串燒黃店，平日晚上都坐滿客。居酒屋環境舒適，氣氛熱鬧，黃色燈光比人感覺好warm😃 食物選擇好充足，刺身，串燒，酒類都有好多款。可惜我唔飲酒，唯有點梳打汽水🤣巨峰梳打 $38好大杯，仲好多冰！夠唒冰涼，清爽！巨峰味甜甜地又夠氣，正丫😆 乳酸梳打 $38一樣咁大杯！酸酸甜甜，冰涼醒神，鐘意飲呢杯多啲😄MokuMoku沙律 $98滿滿嘅西斑牙火腿沙律，有好多唔同嘅水果切粒，粉果啫喱，沙律菜有雨衣金蘭，新鮮又清新，好豐富！西斑牙火腿一片片咸香得來配沙律幾好味。蒜蓉蕃茄 $28加咗香蒜香蔥調味嘅蕃茄好好味😋 好開胃嘅前菜。刺身盛 $228有三文魚三片，赤蝦兩隻，帆立貝四件，油甘魚三片。刺身尚算新鮮，赤蝦最鮮甜🥰雞泡魚乾 $78一上枱就聞到好香，味道甜甜地，好香口，點沙律醬好正😄(左)西斑牙黑豚豬頸肉 & (右)肩肉串 $38一串兩串都燒得好靚，上面有少許調味粉，好惹味。豬勁肉肉質較實，肩肉油脂較多，脂香四溢。(上)紫蘇豬肉卷 & (下)露荀豬肉卷 $32一串唔想食太多肉，呢兩串係好選擇😍 紫蘇口感會較蘇軟，而露荀較爽脆，兩串燒都惹味😋豬大腸串 $34豬大腸好肥美，燒得香口，好邪惡😍豬心串 $28第一次食豬心，原來係好似雞腎咁嘅口感，有點彈牙，燒得香幾好味😋雞翼串 $32雞翼有剪開變成單骨雞翼，食得方便，表面燒得均勻，皮脆肉嫩。沖繩苦瓜豚肉串 $32日本嘅苦瓜食落一啲都唔苦，包住豬肉口感唔錯，入口有好健康嘅感覺🤣椰子雪糕 $48好特別嘅甜品😍 係用原個椰子殼上嘅椰子雪糕🥥 雪糕濃濃椰子香味，軟滑好味，可以放一陣先食，因為雪得太冰，雪糕有點硬。燒芝士年糕 $48最後嘅甜品仲有芝士年糕，係咪太豐富🤣 燒到熱辣辣，乾身又香口，裏面嘅芝士超級流心，外脆內流心好正丫❤️點擊圖片放大 +11
