平日搵間安靜少人嘅 cafe，食完個brunch然後嘆杯咖啡，一路飲嘢一路溫書，個人都會精神好多。 Cafe 溫書小貼士： - 搵間唔多人嘅 溫書cafe, 就唔怕俾人趕走啦~ 同學決定到 cafe 溫書之前，可以先了解一下自己嘅讀書習慣 — 你需要一個 100% 寧靜嘅溫書地方，定係有少少雜音都專心到？ - 如果同學係有少少嘈音都會分人嗰類人，小編建議同學另覓溫書好去處，因為樓上 cafe 未必適合你喔！ - 到 cafe 點餐嘅時候唔好食得太飽，食飽咗飯氣攻心好容易眼瞓，集中唔到精神溫書>.< - 到坐得耐 cafe 溫書之前，記得帶定個耳機 — 即使咖啡店內有比較嘈嘅食客，你都可以戴上耳機，聽住歌咁專心溫書~ - 到 cafe 溫書之前，可以上 Open Rice 睇一睇間餐廳有冇提供免費 Wifi — 有的話會更方便你上網搵資料、搵 dse00 嘅 past paper、DSE Cut Off分數。 圖書館亦都係一個溫書好去處！！夠靜、坐得耐之餘，仲有免費 DSE PP 可以攞番埋位度操卷。 圖書館溫書小貼士： - 早啲去，霸個好嘅位置溫書。 - 例如中央圖書館第八、九樓嘅窗邊海景位、單人位，好快就俾人霸曬，多數都要盡早去搵位先會搵到個舒服嘅溫書地方。 - 帶齊所需物品：出發到圖書館之前，檢查清楚自己有冇帶齊嗰日溫書要用嘅教科書、溫習筆記等等，帶漏咗冇得溫就麻煩啦>.< - 約朋友一齊溫：小編到圖書館溫書，離開座位去食lunch、去洗手間嗰陣，成日都好驚去得太耐，俾管理員收走啲個人物品，或者俾人偷咗啲嘢，但係拎走曬啲嘢又好快俾人霸咗個位。 - 約埋朋友一齊溫書，輪流看住啲嘢，就唔會有呢個問題啦！
