考 DSE 通識一定要溫議題 — NoteSity 小編並唔係想你哋tip題，因為通識可能會出嘅topics實在好多好多，就算同學tip咗題都唔一定會tip得中。所以，小編唔建議同學孤注一 (幾) 擲，只顧tip題而唔溫其他方面嘅通識考試技巧。 有好多同學都會問：通識要點溫？就每一個議題，小編會建議同學詳細分析以下嘅元素： 點解會發生呢件事？ 呢件事關邊個事？ 有咩影響？正面定負面？ 做呢件事/實行政策有咩困難？ 呢件事/政策可以點做好啲？有咩人可以幫手 咩人會支持？咩人會反對？點解？ 就事件嘅同一個角度，會唔會有不同持分者持相反意見/有利益衝突？ 同學拎住 DSE LS Past Paper 嘅每一個議題，根據以上嘅邏輯逐步逐步諗、分析每一個topic，就會理解到個議題嘅來龍去脈。同學一開始自己分析時事議題嘅時候，覺得諗point好難、諗唔到point係好正常嘅 — 冇人一出世就識得諗point、試得考試架嘛~ 呢個時候，你可以 Google 一下「XXX議題原因」、「XXX議題影響」等等，你會搵到好多答案幫你諗point。 另外，亦都可以溫通識答題框架，應該都對考試寫文嘅組織有幫助。
