玉桂山位於香港島南面的鴨脷洲,其實只是高196米,但因為好斜,所以都唔容易行架! 係利東邨東興樓落左車之後,要係近商場,巴士站後面進入引水道 沿住樓梯上去,會見到鐵絲網 貼住鐵絲網行右邊條泥路 左邊是另一條路,比較容易行,但景觀就一般 點擊圖片放大 +2 開始時還可以,睇睇風景 不過挑戰來啦,沿路都是碎石+泥路+超斜,差唔多接近90度呢! 睇我~爬得幾專心,戴埋手套架,著到成個大媽甘,實在好曬,無辦法,唔想曬黑嘛~ 甘樣望落去真係心驚驚 幾經辛苦,終於上到山頂啦! 真係嘩嘩聲,真係唔識形容,勁涼爽,景色豁然開朗 可以睇到南丫島"三支香" 點擊圖片放大 都睇到海洋公園架 其實沿路都聽到D人玩過山車既尖叫聲~ 點擊圖片放大 +3 對面就是鴨脷排啦,又要準備另一個落山挑戰啦! 慢慢行,唔晒急,前半段還算輕鬆行 好快就嚟料,要小心翼翼啦,帶埋手套架,雖然有條輔助繩,但最好唔好太依賴,條繩承受唔到,己經鬆鬆地~ 落到連島沙洲啦 遠睇幾靚架,不過近睇左邊的沙灘超多垃圾,但右邊係冇架~ 之後繼續向鴨脷排前進,呢段唔算好難,不過樹木密密麻麻,一定要著長褲,唔係就會俾刮到好痛 最終目標是燈塔 之段原路折返就可以了 點擊圖片放大 +3 睇返呢個圖,係埋好斜呢! 【資料】 交通 : 旺角/太子/深水埗乘搭巴士171號至利東邨東興樓落 行程 : 利東邨->玉桂山->連島沙洲->鴨脷排->燈塔 行程時長: 3.5小時 長度: 約4.5公里 注意事項:要戴手套喔,有部分路段要手腳並用。 中間有段會有繩索輔助,不要太依賴,繩索不太穩固。 全程無遮擋,要做好防曬。 --------------------------------我是一條分隔線------------------------------------------ 更多資訊可 Like Facebook : https://www.facebook.com/nanalovestraveling or follow 我的 Instagram : https://instagram.com/nanalovestraveling/