終於都黎到今日，今日係黎CAIRNS 既重頭戲，大堡礁。亦都係我第一次既潛水 首先我地參加一個PACKAGE 係2日既，第一日係出海深潛+浮潛，第2日去KURANDA。大家最關心應該係點計錢。喱個PACKAGE 係AUD $343。浮潛係唔洗錢，全日任潛。但係深潛係要額外加錢。深潛有分Introductory Diving and Certified Dive，即係有分有牌定係冇牌，有牌係要$131 兩次，70蚊就一次，黎到梗係兩次啦。CERTIFIED DIVE 當然平D，$80 3次。 http://www.kurandainfo.com/kuranda-tours/Reef-and-Kuranda-Packages/2-Day-Silverswift-and-Kuranda-2344/ 今次PACKAGE 係有接送，去到附近一間HOTEL 等，然後去碼頭，我發覺上車既全部都係日本人。 08:00開船。上船之後會分類坐，會分Certified Dive and Intorductory DIve同埋正係浮潛。全部人都要填一D 健康申報之類既野。船程約90分鐘，期間會要你睇片教學，填問卷等等，第一次潛水既我，GET 到既只係七成，好似好明咁，但到要做就係咩都唔識，唔記得哂。佢最後會有個QUIZ，但係係一定會PASS 的。 去到船程的後半，好多人都開始暈船浪，搞到好似好可憐好辛苦咁。 之後INTRODUCTOTY DIVE 會4個人一組跟一個教練，差唔多落水前會再教多次，但係我都係GET唔到太多，都唔知自己係唔係真係識咁。但係估唔到其實停船之後根本只有幾分鐘就落水，一黎就係跳落去深海中，完全冇得係水中試下先，第一次落去真係好緊張，有3個SKILL 係要我做岩左先比我落去，但係原來我做唔到，好緊張，之後頂唔順就上左水，之後已經講我好左，一落水就唔會退錢了。冇辨法。 之後其實喱架船有一個香港人，佢係移民黎做潛水教練。佢用廣東話教我做個3個SKILL。之後我先識，第2之落水專登有個教練一對一教我，之後就成功落深海啦!!!!! 因為我冇防水相機，冇相睇，只係有個潛水員會幫我影，之後AUD$60 買6張相。珊瑚礁真係好靚，有好多好多一群群個D魚。真係好似睇緊Discovery Channel。完成左之後，上面係包LUNCH ，不過唔知點解咁鐘意食凍野，可能係易運送掛。 其實喱架船係會去3個REEF ，聽完都唔知唔記得啦。最後個個好靚，有一個淺水區，全部都係珊瑚，浮潛都睇到好多野。D 水好清，我諗50m 深既地方都會見到。正過睇水族館。 之後1545就開船走人，期間可以係船頭哂太陽訓教。之後我地又返去煮飯仔。 點擊圖片放大
