今日參加一個全日既行程，叫Green Island。點解要去? 可以咁講，作為初黎報到澳洲大堡礁既入門地方。包括了出海，第一次感受CAIRNS 既海有幾靚，第一次浮潛(我之前多數去日本)，睇珊瑚，睇魚。因為之後個幾日都會做同一樣野，當然之後會有深度好多啦。 出發前，睇左好多旅遊書都話係必到既地方，所以我上網搵左一d tour 參加，原來澳洲有一間以中文為主要語言，佢代辦了好多類型既tour，作係睇中文既人又唔想book錯野，當然揀喱個啦。叫FIT TRAVEL(利申:我唔係佢地既職員)。 其實一開頭睇佢地d公司睇到我好模糊，成日都搵黎搵去都搵唔到邊間先係官方網頁，因為有d 係代辦，但係有寫到好似係自己官方咁。FIT TRAVEL 幫我地book 既公司叫Great Adventure，都唔知係個TOUR 名,公司名,船名。結論係佢既一間公司，開左好多TOUR，而唔係正係出海。FIT TRAVEL 係冇船，只係一間旅行社。 喱間旅行社好好，一早會講定係邊等咁，又可以揀要唔要來回接受，我見到其他公司係AUD$88連接送，佢係AUD$80唔連接送，但係如果要接送就要每人加$20。都唔知話佢抵唔抵好，大家可以揀下。之前都講過，我地住既地方距離喱個地方一公里，又唔遠又唔近。 好啦，大家好安定咁08:30去到CHECK-IN ，大家睇左"CHECK-IN" ，個意思應該係開始CHECK-IN ，之後可能係唔知幾時開船。點知呆左，係08:30開船，GREAT ADVENTURE 係間旅行社寫錯左，下班船係10:30，10:10 CHECK-IN，行得咁辛苦，要再等多個幾小時，相信係人都會嬲，作為香港人，當然想拎返個公道，但係間死人旅行社又唔係附近，極度無奈都要接受。(最後我係後日先追究，大家可以去DAY 4 睇下呀，不過未打) 不過個職員話最遲個班船返CAIDNS 係16:30，計埋都係得4個小時，不過佢話已經好足夠架啦。作為香港人，去旅行緊係玩盡啦。不過你地睇落去就知。 因為我本身已經預左係會下水，所以即係去左尋日去既人做沙灘游下水先，都好既，作為我成年冇游過水，而且又唔叻，用喱個幾鐘實習下都唔錯。好快就過左個幾鐘。中間有一個澳洲人黎同我冇游水既同伴搭訕。作為香港人，當然會有好陰謀論，SALES? 扼人? 點知係一個CAIRNS 人，介紹左好多景點餐廳比我地，好多我本身都有PLAN 去。佢既意見好重要，可以幫我PLAN 好D行程。 10:10 終於上船啦!!!初黎步到，梗係上上層感受下大堡礁既海風。喱個時候當然係要出動太陽油啦。係喱度出海最大既感受係，越遠D個海就越藍，好靚呀，係香港永遠都係冇咩顏色。 1030開船-差唔多1145 下船。哇D水好清，好藍好綠好SHARP呀。之前睇圖片會覺得應該要好好大好好彩先見到。點知真係比我見到，好開心。下船後當然係狂影相啦。 點擊圖片放大 +3 最後喱幅相，喱舊野其實係可以落海底睇架，不過我臨返黎上船先知!!!!大家可以預早少少黎睇下呀。 之後好快就去租浮潛用具，喱個TOUR 係包左SNORKELLING OR 睇玻璃船，我地揀左喱個。以為喱個島好大，佢地話要由東行到西，以為好Q遠，點知行5分鐘就到左，我地用幾蚊，就張貴重野鎖左先。 係喱度我唔講點玩啦。作為我第一次SNORKELLING ，係喱度係一個好好既地方練習，學下，因為日後有好多時間要SNORKELLING，如果到係深海既時候先學就太遲啦。係沙灘學，會冇咁驚，同埋容易D冇咁大浪。係喱度雖然唔係話最靚，但係已經好滿足啦，見到好多珊瑚，真係好COLORFUL好可愛既熱帶魚，終於唔係電視睇到啦。我其實有帶爸媽去，佢地係要多少少時間去學，去之前都擔心佢地玩唔玩到，但到最後係OK 既，當然唔會好似我地咁靈活啦，好彩今日有SNORKELLING ，如果唔係日後係深海，佢地會好驚GA 一個小時之後已經好累啦。我地就去左食BURGER，喱度有D 雀仔好衰，會搶薯條食，就算你遮住，佢都會睇你唔覺意，突然搶黎食GA。喱度既BURGER 餐大概15-17 AUD。算係咁啦，同日本USJ 入面D 食物咁不多。個TOUR 係唔包GA。 食完之後就去環島遊，其實慢慢行，九個字就行完，連埋影相。個人覺得好X 靚。其實中間會有CROCODILE 園，不過要入場費，冇入，如果好想好想睇，就一定要搭08:30啦。不過我地冇興趣。 點擊圖片放大 其實環完島都仲係15:45，已經買哂手信，所以係喱度唔需要08:30 上船黎，雖然比人老點，條氣都順返D 之後5點幾返到CAIRNS 有生蠔食，好平好似十幾蚊就有一打好新鮮既生蠔，蝦，琵琶蝦，$$就唔記得啦，雖然好X 飽，但係黎到澳洲當然要狂食生蠔啦!!!!!!!喱間野係船上面GA，開到七點鐘，係上船附近2-3分鐘步程，可以留意下，因為冇位，我地係企係度食，不過別有一番風味。 返到屋企七點幾，又煮飯仔
