ZAP PONFAI 已經bookmark一段時間,但因為同之前既景點唔太順路就遲遲未幫襯,今次同屋企人無限Grab就點到點去吧!出發前幾日曾經inbox餐廳想訂位,但負責人回覆walk in only並提醒6pm後就好多人!所以就調一調行程,由Dinner改成Lunch! 1pm左右直接Grab到 Suan Luang Square 孫龍廣場,Suan Luang Square有少少台灣文創園區既感覺,亦有好多食肆Cafe之類,相信夜晚應該幾熱鬧,落車行入少少就搵到ZAP PONFAI,果然未算多人~ 之前見朋友幫襯過,好多蝦蟹都已經剝左殼,平時媽咪係扮演剝殼既角色,今次話終於可以好好咁歎下啦! 呢度岩曬鍾意食海鮮但又懶剝殼既你!最重要係好食~每人一小碟既醬料亦好開胃~叫左:-魚露生蝦(200b) 好爽好彈牙,份量多 咖哩蟹肉 (690b) 懶人必食,啖啖蟹肉,咖哩味香~ 清蒸藍蟹腳蟹鉗(650b) 清清地點一點醬汁提鮮已經好好味~ 蟹肉炒飯(200b) 飯粒炒的乾身香口,如果鍾意多蟹肉更有Extra Crab版本 炸豬頸肉(90b)。本來仲想叫辣炒瀨尿蝦,可惜no have。 成餐連飲品埋單2000泰銖有找,好抵食!而且樣樣都好食,其實ZAP PONFAI 既生醃蟹係出名,如果敢食都可以試試~~如果唔想突登搭車過來,亦可以叫外送!我下次再去Bangkok一定會再來幫襯~Open Daily Dine In 12pm - 9pmGrab to Suan Luang Square 孫龍廣場15 mins Walk from BTS National Stadium / MBK Center 步行 15 minsFacebook: https://www.facebook.com/MyTravellingBlogInstagram: https://www.instagram.com/hkmytravellingblog/