呢間餐廳一直bookmark，作為海鮮愛好者既我好想黎試下。但因為米芝蓮既關係，經常都好多人，當我決定去曼谷時，即想訂位，但Here Hai既FB／IG 已寫上 OCT Walk in only，嘗試問多次，Here Hai回覆可以Walk in, 10am or 3:30pm會比較少人龍。第3日起身第一站就去啦！！搭BTS於Ekkamai落車行15分鐘，但行人路窄同凹凸不平，所以我會建議Grab去～而行去既中段會經過一間好大可泊車既Big C，下次幫襯Thong Lor分店先～9點50分鐘行到，遠睇已經有十幾人既人龍，心諗會唔會冇位架… 好在原來餐廳有樓上，餐廳準時10點開門放人入去～好在有位，唔洗外面等！ 店內環境簡約，睇到有冷氣機，但起初只開大風扇有少少熱，後期多人先有開冷氣 Menu有中英泰語對照，有d菜色有分大中細Size，其實蟹肉炒飯係Signature，但海鮮餐當早餐食，怕食唔曬就叫其他Signature，最後就叫左蟹肉奄列(no rice)，蒜香黑胡椒瀨尿蝦(no rice)，蟹肉春卷，原本想叫大大隻的烤大河蝦，點知店員話No Have…但食到中段見到其他檯有，所以最後都食到！點擊圖片放大 蟹肉奄列看似好清淡，其實個蛋好香，蟹啖啖肉，好味～而我最期待既瀨尿蝦味道OK，反而肉質有點實，但沒有殻的確方便，下次會想試辣果款。蟹肉春卷香脆，但味道無咩特別，但個醬好味～而餐廳每張檯都會有好好味的綠色酸辣汁。 烤大河蝦肉質好彈牙，蝦膏濃郁好好味，雖然貴d但值回票價！ 埋單連飲品 THB 2,000 有找，以唔洗剝殼就可以又蝦又蟹，唔算貴掛？總括黎講我覺得都好食既，但未至於好驚艷，食完外面仲有人keep 排隊，如果要我排隊等位就未必再黎，但我都想試多幾款，下次會叫Grab Food響酒店慢慢歎～***口味因人而異，純分享***Open Hours：10–14:30 & 15:30–17:00, Monday Off Grab or 15 mins walk from BTS EkkamaiFacebook: https://www.facebook.com/MyTravellingBlogInstagram: https://www.instagram.com/hkmytravellingblog/
