疫情前曾經去過Ari 的Calm Spa，發現自己幾鍾意呢類型小清新Spa instead of 大型連鎖，所以就發掘下類似既Spa，好好享受一下Me Time，獎勵一下自己～ 我先Line聯絡Pine Tree Gallery Spa預約，我預約既Course Menu 係 Sense of Balance 90 mins (Body Scrub 30mins + Warm Aromatherapy Massage 60mins)，以下係Menu，提一提～Spa唔太近BTS，位於寧靜小巷中，所以Grab會好啲～ Pine Tree Gallery Spa係一幢兩層高小屋，一到門口已經覺得感覺好好，一入去店員即拎拖鞋俾我換，招呼我坐低並遞上毛巾及水 同時開始講解磨砂及精油的味道同作用，前者我揀左Tea Ceramony，後者揀左Sakura Blossoms。 再填完力度表或重點按摩位置後，Therapist 就帶我上房，話明Gallery Spa，周圍都有好多畫作，賞心悅目。 Therapist 安排左間大房俾我，播好Soft的純音樂，換衫後就開始，Therapist 好有禮貌好細心，Therapist 應該都Feel到我膊頭係重災區，幫我再按壓多幾下，整個過程都好舒服，好Relax，按按下都瞓著～超正的Me Time！ 之後出大廳有茶同朱古力，少不了填意見表～店員都好健談，問我點搵到Pine Tree等等，亦提醒Weekend會比較Full，提前預約會比較好。因為走時我要去BTS Thong Lor 站附近買芒果糯米飯，所以冇叫Grab，轉出Thong Lor Road 慢慢行出去，好在開始入黑天氣不太熱，大概 15 mins 就到 BTS Thong Lor～Website: https://www.pinetreegalleryspa.com/Open Daily 11:00 – 21:00Grab or 15 mins walk from BTS Thong LorFacebook: https://www.facebook.com/MyTravellingBlogInstagram: https://www.instagram.com/hkmytravellingblog/
