呢間按摩店位於Asok Terminal 21附近,係平民啲既按摩店,店內明亮企理,師傅手勢亦好!自從幾年前撞手神中入去,之後次次黎曼谷都會黎,應該已經幫襯過至少4次。 Massage.Le 以前經常都爆滿,所以食飯時已Facebook Inbox 問定8點半有冇位,想按邊及幾耐,當然你well plan可以預早更多book定~好好彩即日問都有位!闊別3年,原來已裝修,變咗地舖!裝修後有兩層,地方闊落得多,顏色仍然以綠色為主調,變了地舖唯一壞處就係坐最出會容易俾街外人睇到,當然你唔介意或戴口罩就無問題啦! 準時8點半到~坐低等一等就可以開始! 不過有個笑料,張按摩椅比以前大,我人生得細粒,浸得腳時個人挨唔到後面,同師傅姐姐一齊笑,要拎多個cushion😆 太耐無黎當然要磨一磨砂~而按腳就一定要啦,而按腳係會包一陣肩頸!Foot Scrub 45mins THB 400 + Foot massage 60mins THB 300 = THB 700,HKD 150有找,真心抵!師傅們仍然一如以往既好,磨砂完對腳好滑🤭,手起刀落式既按壓真係超級爽 佢杯茶好好飲 以下係Menu,大家有興趣可以試試~記得book位!記得book位!我按時基本上都是Full的,好多人想Walk in 都無位呢! 店內環境 Open Daily 10:00am – 0:00am 3 mins walk from Terminal 21 / BTS AsokWestin 同 Terminal 21 中間條路,靠左步行3分鐘Facebook: https://www.facebook.com/MyTravellingBlogInstagram: https://www.instagram.com/hkmytravellingblog/