雖然幾年前迷上釜山之旅已經去過, 但實在值得一去再去, 不厭其煩再介紹多次。 SpaLand係位於號稱全世界最大的百貨公司釜山新世界百貨公司 Centum City入面, 係比較新穎既汗蒸幕, 同舊式唔同就係無得過夜~收00:00! 韓國既汗蒸幕大至上都係 > 付款 > 放鞋入Locker> Keep好key > 派衫 > 入更衣室換衫 > 開始蒸/浸 > 如在場內有額外洗費走時先再付款! 點擊圖片放大 **更衣室有更大既locker放所有隨身物品, 不用帶錢, 因場內收費會以key作記錄 雖則已經黎過, 仍然不太習慣更衣室內的人赤裸裸, 吹頭都赤住吹...更衣室亦有浴池~~當然要裸浸。換好衫就出大廳, 大廳就係男男女女都可以一齊既地方~真係情侶, 朋友, 家庭都岩去! 點擊圖片放大 +3 我地先出去足湯, 之後先試不同溫度的汗蒸幕, 除左汗蒸幕之外, 仲有D 休息室睇戲~~如果香港都有類似既場所, 你話幾好呢!! 又平又Relax又有得出下汗的聚腳點~ 點擊圖片放大 +6 我地夜晚8點半左右到, 可享深夜優惠, 00:00打烊先走! 如果你係返海雲臺方向仲有地鐵00:10及00:26, 但如果係反方向尾班車係23:52, 要留意喔! 收費: WEEKDAYS平日: 成人15,000WON 學生 12,000WON WEEKENDS週末: 成人18,000WON 學生 15,000WON 早鳥9AM前入場: 平日10,000WON 週末 13,000WON 深夜8PM後入場: 平日10,000WON 週末 13,000WON **客人每次入場最多只可以逗留4小時, 如在場內額外消費滿10,000WON可最多逗留6小時。 營業時間: 06:00 - 24:00 交通手段: 釜山地鐵2號線Centum City站12出口, 新世界百貨GATE 4 入
