今次搭凌晨機，去海雲台入住既酒店放底行李就即去醫肚～闊別多年其中最掛住就係機張大隻夾抵食長腳蟹～ 幾年前都仲要響釜田行去火車站轉搭無窮花號到機張, 而家KORAIL開左東海線電車就方便得多了～BEXCO 轉東海線電車(동해선 Donghae Line) 月台～東海線電車(동해선 Donghae Line)比較疏，一個鐘2-3班左右～ 機張站1號出口外觀 MAP 會經過DAISO 過馬路後有C&U 行前多少少就轉右入機張市場 去到機張市場，你會覺得自己好受歡迎，各家蟹店都會叫你check下價錢，當然睇定d先，最後去左間近街尾唔算太hard sell的～ 同以前一樣幫襯一隻大蟹就搭送隻細紅蟹&貝類，如佢揀太大可以叫佢揀番隻細d, 佢秤完多數自動減幾萬俾你，因太眼訓同肚餓既關係，我係咁易再還一還價就Deal～連加工費＋1客炒飯埋單80,000won左右(約HK$590)，兩個人大滿足！ 送既都唔細架～大既肉實鮮甜，細既肉稔但同樣鮮甜～ 坐地下又得～坐檯亦得～ 前菜又打飽左4分1 仲有滑蛋～唔好意思OUT FOCUS 阿珠媽剪好曬先上檯～方便易食！ 點擊圖片放大 本來想懶型徙手拎蟹留影，點知隻蟹一郁就驚到黎手丟番落水漕，OPPA即出借手套～哈 周街都係櫻花喇～ 機張市場 기장시장 交通手段：釜山地鐵2號線 > BEXCO站轉東海線電車 (동해선 Donghae Line) > Gijang 機張 기장 -- 1號出口行5mins
