身為一名蟹痴, 來到又名蟹取縣的鳥取縣, 無理由不吃蟹! 所以這餐是我這旅程中最期待的一餐! 就是紅楚蟹放題! 期間限定為9月〜6月(7,8月休漁期), 60分鐘3,000 yen任食!! 寫明不會使用雪藏的~ 如不吃蟹, 海心亦有壽司定食, 天婦羅定食等等! 我們8pm才到, 不是很多客人, 老闆娘看到是外國人都估到9成來放題, 坐低一會就拿出6隻紅蟹及工具, 大大隻! 再教我們怎樣開蟹, 蟹蓋朝向下, 一開蟹膏就會傾瀉般落入蟹蓋中! 提醒一下是凍食，但超鮮味 基本上9秒9影一影相, 老闆娘就叫一叫Starto! 大家就開呀! 拆呀! 剪呀! 撕呀! 食呀! 而個人認為分工合作是最好, 以2人為例, 一個負責開蟹分身, 另一個負責剪開蟹腳! 桌上的差不多吃完, 老闆娘就會再拿出更多的紅楚蟹! 一小時後, 我食了2.5隻左右, 雖然夠鐘反正蟹已開, 老闆娘當然叫我繼續吃餘下半隻, 最後每人吃了3隻! 店內環境 點擊圖片放大 我想說我是第1次食蟹食飽, 開蟹亦開得有點累…最好笑是一小時內大家都好努力沒有多餘的交談。我平時出名食得慢, 但團友好驚嘆食蟹快很多～ ！！！剛剛再上官網看到轉了玩法, 價錢限時一樣, 但限了大人4隻小学生2隻, 沒看錯的話餘下可以帶走!! 多好呀!! 有任何改動，一律以官網/海心資料為準～ 小知識---何解食紅楚蟹不吃松葉蟹? 因為我去的時候是5月, 松葉蟹11月～3月才當造, 加上松葉蟹貴很多, 小資女如我當然覺得紅楚蟹性價比更高呢! 御食事処 海心～60分鐘紅楚蟹放題 ※期間限定9月〜6月 TEL：0859 42 3223 / Free Parking Opening Hours：11am-3pm、5pm-10pm（星期四休息） $$$：大人 3,000 Yen、小学生 2,000 Yen *未連稅 如在境港市內，海心設免費接送，必須預約 Wesbite: http://sakaiminato-kaishin.com/
