回歸日本懷抱! 好多人問我今次去邊…答: 米子。大部分人都一臉？？？…其實香港兩年前已有直航到米子, 不算是新地方, 當然暫時仍未算遊日熱門地, 只是我年前看過日本大放送介紹過 (撞正大台早排先介紹), 米子位於的鳥取縣出名好多好多蟹！！一直刻在腦海中揮之不去。 直至某日有隻小學雞考我 「你咁鍾意日本,你知唔知邊度係”米仔”?」「"米仔" 就唔知, 米子就知道」隨之令朋友們更了解此地亦促成今次"米仔行"! 不過要演繹確實地區的確要點耐性⋯⋯ 我：九州過少少又未到神戶 小：哦, 即是四國… 我：非也...四國上方其實有幅地係本州 小：哦, 咁果度叫咩… 我：屬於日本本州西部叫中國地方 小：下? 中國大陸? 又話去日本? 我：日本都有個地方叫中國架! 中國地方包含鳥取、島根、岡山、廣島、山口5個縣, 或統稱山陰山陽地區 小： 又分? 點分? 我：上路為山陰, 下路因為山陽, 米子屬於鳥取縣/山陰地區...er...不如都係睇圖...
