本身預計架火車7點到 所以較左6點鬧鐘 點知鬧鐘都未響，天都未光 職員就已經叫我地起身 講個秘密你知, 我地又冇plan今日行程！ 大概諗左蒼山洱海咁囉 點去古城又冇搵 唉 咁點得架 迷茫之際 見到琴晚新相識既4個新朋友係月台等我地 K稱之為有義氣！ 去到差唔多出口位置，情況超混亂 有一億個人問你去邊，上唔上佢地車 我既心情就好似細細個跟阿媽番大陸 好驚比d拐子佬帶走咁>< 時間係天都未光，公交要(唔記得左)_點先有 我同K仲有4人組都係住古城 所以我地決定結伴同去! 比個大姐眈住左 而佢r 左勁耐終於成功r到我地 @#$$%&*佢竟然比架連埋司機位5座既車我地 點坐呀-_- 我地即走，跟住佢又話唔介意就等多15-20分鐘會有7人車黎接 又凍又餓，唔洗驚 火車站出面有d檔仔 我地就係戈度食早餐喇 點擊圖片放大 +3 出發去古城喇！！！ 4人組既hostel叫大理百合國際青年旅館 我地戈間叫大理春夏秋冬國際青年旅舍(係yha訂既) @人民路 而我地兩間hostel只係相隔左條214國路 沿路都係經洱海 右邊一路睇日出 左邊一路望蒼山 去到hostel, 8點先可以check in 唯有周圍影下相先 春夏秋冬,我同K當自已住Four Seasons Settle down之後就出左common area傾行程 仲係晨咁早,嘈住人地訓唔係咁好嘛 Hostel職員(佢係全Hostel最nice,又似我中學Miss,我同K私底下叫佢JL) 話有團分別去蒼山同洱海 因為長年不化既蒼山雪 所以好想去 本身話10:00出發既 但係,JL話風太大,暫時上唔到頂(大索道唔開),只係上到山腰 可以等一陣再睇情況 等~寂莫到...... 有個女仔話佢等左三日... 於是,我地放棄左 但又唔想join JL既坐'郵輪'遊洱海團 根據呢本書可以坐2路公交從古城去才村碼頭 所以我同K就決定自已去! 搵車既過程順便輕輕逛下古城 題外話 因為我係金庸fans 所以對天龍八部既大理有情意結 呢條街有好多酒吧 我地見到有位Artist全身銀色 好彩見到佢有帶Pass ,隔離又有棟個牌話影相收費幾錢等等 佢冇做主動架,等人埋佢身 條街好多鋪頭,d野又唔算特別貴 買左豆腐 烤乳扇 薯仔 基本上抬頭都會見到蒼山 見到唔洗錢就衝左上去 不過條樓梯唔講得笑 點擊圖片放大 出去影個正門 話說我影緊相之際 d西遊記人物@較遠位置 佢地愈走愈近,情況好似我係大明星,佢地好想同我影相咁 咁難得,我即刻同K交換,我又幫佢影 影完 好開心 走 點知發生不愉快事件 唔記得比邊個纏住左,好似係豬八戎 總之佢話要比錢 下?!!!!!!!!!!!!!!!!!!!!! 我地拒絕話佢冇講明 點知隔離個大嬸無lala幫口,當然係幫班西遊記la 類似話我地影左就應該比錢 戈下真係好炆,個心完全係咒罵緊 講都嘥氣 1,2,3 走 你知唔知西遊記入面最勁係邊個丫? 於是呢個時候,阿大師兄孫悟空用佢枝金剛棒敲左我elbow一下 雖然唔係好大力,但超唔禮貌 當然,佢認為佢既付出值得有回報 但我地竟然'走數',佢亦都唔會同你講禮貌 理論左一陣 孫悟空話唔收我既錢 (我諗佢地都知自己理虧,話晒係佢地走過黎同我影) 但就要收K既錢 PS.佢地既收費係pay each character 後尾我地係阿大師兄面前del晒d相就完左件事 所以得番呢幾張 我一直好嚮往既大理竟然發生呢d野...:(:( 下回就去洱海
