出發前 去昆明既機票是2月HK Express全線大減價時買的 雖然所有航點一律單程$68,來回$136 但係F5 左成個幾鐘先入到個網 最後淨機票去$68,回程$214 加埋來回預先選位費用每程每位$30 (其實係咪唔揀都得?不過要同個fd分開坐?) 加埋稅呀燃油附加費戈d 虢礫緙嘞(kick溺卡嘞) 每人來回$908 (冇託運行李!) 離境 Check in戈陣職員淨係問有冇託運行李 眼尾完全冇望過我地個過晒7KG既「手提行李」同「隨身物品」! 當我以為過到關之際 點知去到出境檢查大堂比個姐姐話我個backpack太大件,過晒頭(雖然冇...) 我即刻拎左件羽絨出黎放埋落隨身物品, 佢就放過我! 電話卡 電話卡係HK淨係搵左中國移動同中國聯通 中國移動$120 得2G上網 中國聯通好似都係$120 上網唔記得幾錢幾mb 總之唔抵 其實迫你加$78/500MB 即係total 198 因為太貴同太懶既關係冇買同冇再搵 好彩去到長水國際機場都有得買 $130 有500mb上網加本地通話唔洗錢(好似係) 不...過...係國內...係...上唔到所有Google既野!Facebook!Instagram!Snapchat! 最頂癮係我收到notification... Whatsapp 係okay既 昆明長水國際機場 空蕩蕩的 香港二男子 其實$130電話卡係兩個香港男仔 大師兄&聰介紹既 我同K book 左當晚火車去大理 又冇認真plan過今日係昆明點過 所以就本著人之初性本善既心態跟左呢兩個人去睇櫻花 櫻花所在之處乃圓通山也 之前search過「打的」去昆明車站大概80(以下RMB) 4個人都係每人20 決定直接搭的士去圓通山 我地問司機大姐有咩好食，近唔近圓通山 佢話近，跟住就帶左去一間都算有裝修既鋪頭度lunch 落車$80 所以心諗都算合理掛 點知一碗過橋要成$30 仲要係冇餸咁 走去搵車問d 司機先知一d 都唔近圓通山 即係一到埗就比人昆左-______- 真係去到喇，點知圓通山其實係動物園入面 聽講佢動物園冇咩好睇 學生入場都係rmb 8 沿路都有d 猿猴呀鴨呀雀睇下既 終於見到d櫻花 em...都okay 既 雖然樹蔭冇蟬, 但都影番張櫻花樹下先 再行過d有檔booth 有分5蚊同10蚊 轉到咩就整咩比你 好似好難咁 師父用左半分鐘就整好 點擊圖片放大 動物園竟然有機動遊戲 不過零興趣所以相都冇影 圓通花潮？ Woo~ 原來呢度仲多!!!! 我地係度影相影左好耐 已經過左6點 冇人趕你走，不過已經冇野睇 原來有大笨象架 所以可以先睇動物再影花都得 去左間士多仔買雪糕 Rmb12 貴左d 係好食既 點擊圖片放大 太陽落山即刻feel 到溫差好明顯 上左公交(巴士)去火車站 二男子會搭9點幾火車去麗江 我地搭10點幾去大理 諗住去到火車話附近再搵野食 大家都已經有d 攰 話晒咩住個backpack成日wor 但公交經過_香園 有人提議去戈度食 一秒 只係一秒我地就拎好行李衝落車 真係好激動 一個二人餐同兩個一人餐 除番每人30,40蚊 想要粟米湯變左熱奶茶 餃子變左小黃瓜 想要咩就冇左咩 呢面既人早食飯架 夜少少鋪頭都冇一間 都算好食既 本來應該好好歎 但係要趕火車所以狼吞虎嚥 而去火車話搭公交只係一個站 但係行又要d 時間戈d 麻煩距離 最終打的 之後就同師兄們分道揚鑣 之前傾過，大家都會去麗江上玉龍雪山 所以交換左contact再聯絡 候車室 話就話室,但其實好大 裡面都有d鋪頭可以買下日用品,零食 我地之前係携程訂左飛 只要去counter讀個取票號就okay 取票號係sms 去你登記既電話號碼 香港電話係唔得架 我地揀硬臥 携程會要求你比左兩佢下鋪既錢 之後係取票個sms 度confirm 你訓上中下 我同k 訂兩次都係上同下 Sms 話差額會退番去你account 講起携程就嬲 總之如果唔想煩既話 剔購買火車既交通保險買就唔洗煩！ 一去到我地戈格 我張床就已經有個女仔坐左係度 後來知道佢係訓中間 上中下，只有下可以坐直個人 所以，佢就一直坐左係我度 熄燈前職員會逐格逐格提貴重野放枕頭底 會有阿姐推車零食賣 我個腦戈刻彈左Harry Potter搭Hogwarts Express food trolley 畫面 話晒第一次火車過夜 係小見多怪架喇 K 坐左係走廊d chair 度識緊班差唔多age 既人 我就settle down緊 對面床個男人 好social, 係咁撩我講野 那裡來，讀書/做野，咩專業(即係咩major) 見到我本雲南書問借黎睇 轉頭又add wechat (我發覺佢地好興一識你就即刻攞wechat, 去幾日就會慣) 之後我成機走左去班新朋友度 佢地係東莞讀書 大家都識廣東話 之後一直傾計影相 陸續有人除鞋訓覺 D 氣味間唔中就會浮現下 大家就閉氣掩鼻 其實都真係幾難頂 大家都知我比個女仔阻住 又比social男纏住 所以直到訓中間個女仔上左去先散 訓火車其實唔辛苦 我算醒訓都冇話點樣醒 唯一一次醒係 對面social 男好似去完廁所番黎 見我「褲」被 所以拍醒提我！ What the ... 唯有微笑說謝謝
