我諗有好多女仔都好鍾意花，尤其係玫瑰花。但原來玫瑰花用黎泡茶對人身體有多多益處! 中醫認為玫瑰花有護胃、調氣血，以舒緩女性週期不適。另外，玫瑰花含豐富維他命C，有抗氧化、促進新陳代謝功能，令肌膚光滑有彈性。加上，玫瑰花有解鬱功效有助舒緩緊張，平伏心情。啱工作壓力大的女性飲用。 玫瑰花茶沖泡方法 約1茶匙玫瑰花苞，約1杯溫開水份量沖泡後，大約焗15分鐘就飲得，可根據個人口味添加蜂蜜。 Ｐ．Ｓ．提提大家，玫瑰花茶記得唔好沖得太濃或者飲得太多，唔係可能會導致胃部不適或者腹痛腹脹。建議１星期飲３次。 另外，聽人講玫瑰蜜棗茶有助排便及清宿便。 玫瑰蜜棗茶沖泡方法 洗2－３粒蜜棗，再加大約4碗水,煲10-20分鐘直至蜜棗出味, 然後加10朵左右 玫瑰花(事前玫瑰花用熱水沖下先), 熄火焗一陣, 就飲得。而份量可跟個人口味加減。 Ｐ．Ｓ．提提大家，玫瑰蜜棗茶唔好飲得太多或者太密，唔係會造成腹瀉效果，或者會有脫水的危險。 大家記住飲用要適可而止，同埋個人體質不同，所以會有不同功效或反應。如有不適就停止飲用或者事前問問醫生!
