是的 我地一家四口都染疫了喺呢個第五波嘅疫情之下我哋屋企出現咗一名確診者因為返工嘅關係 王生被染疫了由知道果刻 已經唔敢出門 而當日佢亦開始出現病徵 喉嚨痛及發燒 我哋都馬上分房訓 唔接觸 只有打開房門送飯送水俾佢飲 但無奈嘅 係第二日 我一歲嘅細仔都出現發高燒情況 於是用快速測試驗 一驗 兩個都同時陽性細仔情況比較嚴重 一開始就嘔到成張床都係 出到廳都嘔到成地係 然後就開始發高燒 高達41度 佢成個人呆哂 無哂精神 手腳冰冷 不斷打冷震 對於我有嘅認知 我覺得應該要送去醫院睇睇於是王生就半夜帶左細仔去急症室 由於佢地有發燒等病徵 所以要去室外嘅隔離帳篷出面等 帳篷太多人 根本無位 而王生同細仔被安排係一個冇遮無掩嘅空地等 而醫院都只係提供一張膠櫈俾佢地 當晚氣溫非常凍 非常大風好彩嘅係 我哋自己帶左 bb車 亦有雨罩 亦有被仔俾bb 所以小朋友都保到暖 不過王生就慘啲 雖然都著左件大褸 但都凍左一整晚 吹左成晚西北風 吹到流哂鼻水而細仔嘅情況 燒到41度 醫生話要幫佢塞藥 然後照埋肺照完話個肺花左 要住院 叫佢地出返去吹住西北風繼續等佢地安排入院咁唯有再等 零晨2點 照完肺5點 然後等到早上10點 都完全無消息 最後再問多次 醫生話 ：「仲未安排到 要等好耐 但確實等幾耐就完全唔知道有人等咗一日有人等咗幾日先有位 咁你仲等唔等？除非小朋友嘴巴發紫或出現嚴重抽筋等情況先會盡快安排 」聽到呢啲 心諗仲點等 大人等得 bb仔點樣係咁惡劣嘅環境下等落去於是醫生開藥 要我地簽份聲明先放我地走等埋拎藥都已經中午12點幾 本身帶病睇醫生已經夠攞命 估唔到長達十個鐘仲要吹住強烈嘅西北風 個仔返到屋企 塊面紅到成個蘋果咁….成個人軟哂 無哂力 餵完佢食藥飲奶 就一直瞓 一直發高燒 食左藥都只係降到零點幾度 體溫維持係39-40.8度果兩日我情緒都好崩潰 成日食食下野係到喊 我囡問我做咩喊 係咪唔開心我話：「傻瓜 媽媽無事 只係太擔心爸爸細佬病…」菲菲話：「唔好喊啦媽媽 我地食野先啦」估唔到 要個3歲嘅小朋友氹返我轉頭而果兩日我同王生基本上都無乜點瞓過 我都還可以 仲未有病徵 但王生自己病仲要照顧個仔 真係好辛苦最後我地分房訓 佢同仔一間我同囡一間 無乜必要都唔出房 就係咁作戰左兩日兩夜 第三日 我仔終於退燒了 終於如釋重負 不過到我感到無力 有少少燒 我以為自己係疲勞過度 但安心啲都用快測驗驗 都係陰性 於是早早食完飯 早早上床休息點知瞓瞓下 零晨2點鐘囡大喊 我就心知不妙了 因為我囡好少咁樣喊 扭住計咁喊 瞓瞓下又喊 量一量體溫39.8度唉 個心真係好痛好痛 好自責無好好保護個囡望住個囡 安撫好佢 然後自己又情緒崩潰咁大喊上黎 媽媽我太弱 心靈太脆弱 一下子 乜都控制唔到 囡問我係咪擔心所以喊呀 我話：「係呀 媽媽太擔心你啦⋯⋯所以你要快啲好返快啲打贏病毒⋯唔好令媽媽擔心…」然後佢答我「知道啦媽媽 我呢度好痛（佢指住喉嚨）你唔好喊啦 一齊瞓啦。」聽到佢咁懂性 我喊得仲勁 點解菲菲可以咁生性 咁聽話 媽媽真係感動得黎 又覺得好無助 然後一齊瞓著左 中間醒過無數次 一瞓醒覺 我覺得自己起唔到身 成身好痛 好重 個頭好熱 量一量38.9度 再用快測 我同囡都已經陽性雖然一早知道都避無可避 但中左果下都真係唔知點算 邊個照顧佢地諗到呢到 弱弱嘅我又爆喊 真係好弱 做左人父母後 乜都好易喊 由其是關系到我小朋友嘅事囡囡下午瞓完晏覺 燒到40.1度 佢無啦啦大喊 尖叫 我問佢咩事 佢話唔舒服然後隔幾十秒震一下 好似抽筋咁 我即立叫王生準備帶囡去急症室 王生見到菲菲咁震法都好驚 嗱嗱臨執啲野準備入院菲菲震左十幾下 每震一下都叫一下 於是幫佢琴多張被 大概過左兩分鐘 菲菲又回復返正常 又驚陣間入院又唔知要等幾耐 叫佢飲埋奶先去 佢話好 於是飲完奶 見佢情況又回復返正常 咁我地就決定再觀察下 唔想菲菲係露天嘅情況下 同咁多確診者係到無了期咁等 於是俾埋個退燒藥佢食菲菲全程都好合作 係第一次岩岩食藥時有啲抗拒 因為佢出世到依家都無病過 所以都無接觸過藥物但由第二次食藥開始 雖然佢唔鐘意藥嘅味道但佢都肯乖乖食 因為佢知道食完藥會無咁辛苦但全日都無乜胃口 除左肯食啲水果 同飲奶其他野都食唔到 到夜晚瞓覺 已經可以一覺瞓天光瞓左十幾個鐘 一瞓醒即量體溫見到37.8（耳探）果種開心 真係講唔出黎 開心到要流眼淚 菲菲終於開始退燒了 全家都好開心 然後慢慢地 體溫都去返正常溫度了感恩 菲菲一日一夜戰勝左病毒佢成個人都精神哂 但媽媽仍然病到死下死下咁我終於可以專心休息下了一家四口都中哂 爸爸打左兩針佢話佢基本上只有喉嚨比較痛媽媽我打左一支針 全身肌肉酸痛 頭痛到爆 流鼻水 咳嗽都齊哂 到依家都仍然好頭痛 希望快啲康復仔仔發高燒發足兩日兩夜 第三日完全退燒 精神返而囡囡發高燒發左一日一夜就康復了 由於仔仔中左果時 我真係好心荒 上網搵左好耐關於bb感染omicron都搵唔到有人分享過經驗 無參考下 真係覺得好無肋 所以我先長篇大論抗呢篇文章希望幫到有需要嘅人士 以下有我地一家三口嘅體溫表俾大家參考下：（1歲）子太體溫紀錄2/15 22:00 39.72/15 23:50 39.62/16 00:48 40.52/16 01:45 40.82/16 02:35 40.22/16 05:35 38.92/16 05:55 飲奶1002/16 06:10 退燒藥開始沙聲 說話中有譚 但活躍左些少2/16 06:45 38.82/16 11:03 38.42/16 11:36食藥2/16 11:44 奶80 嘔一啖2/16 12:34 38.52/16 13:55 37.82/16 14:38 奶1002/16 15:40 藥。37.62/16。21:30 藥 36.92/16。23:33 36.5——————————————————-3歲子菲體溫記錄17/2 0200 39.817/2 13:00 39.417/2 1600 39.817/2 1700 40.117/2 2000 40 抽搐左十次 尖叫 喊17/2 2100 39.6 食藥18/2 0030 39.1 18/2 0200 39.718/2 1230 37.818/2 1330 37.2 食藥18/2 1900 37.118/2 2230 36.719/2 0130 36.619/2 1600 36.7——————————————————-媽媽：17/2 0230 38.817/2 1300 39 （肌肉酸痛 發燒 少咳17/2 1600 37.7 （已食退燒藥）17/2 1700 38.317/2 2000 39.317/2 2100 39.218/2 0030 38.718/2 0200 37.918/2 1430 38 食藥18/2 2200 37 食藥19/2 0130 37.3頭痛到爆炸 咳19/2 1600 37.3 （3點食藥）19/2 2130 37.1 食藥
