有時想帶小朋友出去玩下輕鬆遊下都要預先上網搵定地方今次去呢個地方 其實很早期已經想去但因為疫情關係 遲遲都未敢出發 見呢排疫情緩和咗啲 便計畫帶菲菲出發去玩下由於天氣太熱既關係 我地都唔想太早出發 所以輕輕鬆鬆係屋企食埋個下午茶 差唔多4點先坐車出發 去到大概4點半左右 菲菲一入到去 已經好興奮咁四圍跑 睇一睇個地圖先知原來屯門公園係好鬼大而我地要去嘅爬蟲館同共融遊樂場只係估一小角 由於我地坐的士去 所以一落車行入去就見到爬蟲館 爬蟲館出面擺左幾隻動物擺設 菲菲一見到就已經衝埋去睇真啲 然後就入場啦 由於第一次黎 我以為要買票先可以入 但原來係全免 就係量完體溫就入得去啦 係到提提大家 入面嘅冷氣係超級凍 同出面個溫差 差太遠 如果怕凍既小朋友 最好都係帶多件外套會比較安全啲一入去就見到好多動物仔啦 我掛住拍片 唔記得影相 有興趣睇片既可以睇下但唔知係咪我地唔好彩嘅關係 我地去到時 好多動物仔都瞓左覺 哈哈 不過都唔緊要啦 有得睇下已經好開心 菲菲見到咁大隻烏龜 竟然會主動同佢say hello 其實個館就好細嘅 如果快嘅 幾分鐘都睇完但我地就同菲菲一邊講解一邊睇 慢慢逐個小動物同佢say hello 所以都睇左差唔多20分鐘先出返黎 然後就直接去共融遊樂場玩啦由於屯公真係太大 我又係路痴 係咁行錯路 最後問路先搵到 (原來就係爬蟲館嘅左手邊 哈哈)點擊圖片放大 +3 呢個遊樂場都有分開幾part仔 上圖既比較適合4歲以上嘅朋友仔玩 雖然菲菲只有2歲 但佢見到都一支箭咁爬左上去 爸爸唯有從旁協助玩完呢part就去鞦韆區玩 大概有5種唔同類型嘅款式可以玩 好多小朋友都係輪住玩 玩完呢個 玩果個 連我睇到都好想玩埋一份 有一個有2個位 大人同小朋友可以一齊玩都幾開心 點擊圖片放大 鞦韆隔離有幾條比較短嘅sir滑梯 好岩啲年紀細小小既小朋友玩 點擊圖片放大 +4 呢個公園 真係可以消磨到好多時間 小朋友跑黎跑去 玩完呢邊玩果邊 原本重有個堆沙池 但疫情關係無開 另重有有個噴水比小朋友玩水嘅地方由於我地無帶泳衣 所以就無去玩啦 玩左兩三個鐘 大人小朋友都成頭大汗 太熱了 好彩有帶多套衫換 提提大家 記得帶足夠嘅飲用水 及小許乾糧 因為小食店距離遊樂場太遠了 我行左20分鐘都未搵到 於是放棄了 齊齊行去屯門市中心食個飯休息下 呢到到有好多花花草草 有啲位都可以打下卡 最後俾多幾張相大家睇下點擊圖片放大 +6