10月6號晚 菲菲半夜醒左後無訓 直到5點左右 我feel到個肚有少少痛既感覺 開頭以為係胎動 以為bb係肚到踢到好大力先痛 所以無乜上心 直到氹到菲菲訓著 爸爸都訓著埋 望一望個鐘 已經零晨5:40分 爬起身想去個廁所再訓 一爬起身 爸爸即刻比我嚇醒 而我都聽到自己身體「卜」左一聲 我以為起身d骨既聲音 所以又無乜點上心 去完廁所 先知自己已經見紅 立即又叫醒爸爸 爸爸嚇到即刻彈起驚驚青青咁問 :「今次係咪真嫁!?!」 因為我成日都 整蠱佢 搞到佢成日都 疑神疑鬼 haha 見紅後 我叫爸爸執定入院既野先 我去沖個涼 去埋廁所再出發 原本諗住落餐廳食埋早餐 但沖完涼出黎 流到成腳都係血 爸爸驚驚青青叫我唔洗驚 佢幫我抹 處理好一切 就坐的士入院了 一路坐車 一路陣痛 分3分鐘痛一分鐘 我以為去到醫院應該好快生得 入到產房 爸爸就唔可以再陪住我啦 入到去 點知撞到個識左二十幾年既舊朋友julia 我知佢一直係呢間醫院做助產士 但無諗過真係可以咁岩撞到佢 撞到佢後 我放心左好多 由於無咁快生得 所以都叫左爸爸返屋企睇住菲菲先 雖然屋企有家姐睇住菲菲 但菲菲最近一見唔到媽媽就會大喊 所以安心少少 都係叫爸爸返一返去 到就生得先再叫佢坐的士出黎 7點入院 開始規律既陣痛 由3分鐘 到2分幾鐘 到分幾鐘 我以為二胎會好快 點知到10點幾都未生得 我已經忍唔住了 叫julia幫我打止痛針 但julia叫我聞左笑氣先 我話好 上一胎都有聞笑氣 我覺得好岩我用 果種暈到飄上太空既感覺 可以幫我分散痛感 一痛就大大地既吸 吸到無我狀態 去到差唔多12點 我同julia 講 我頂唔順了 已經痛到上太空都知道自己生緊仔 檢查宮頸 先開得2度 我直刻話:「下 唔係掛 痛到咁先得2度」 心諗 唔掂了 應該有排痛 所以我想打埋止痛針 期間已經有人通知左王生 叫佢快d黎醫院 就快生得 隔左無耐有醫生入黎幫我係pat pat 打左支止痛針 打完 完全無減輕到任何痛楚 我以為藥效無咁快 但真係到我生果刻 我都feel唔到支針既作用 但打完支針 我係半個鐘內開夠十度 已經忍唔住想生 但其間有人問我 要唔要等埋先生黎先 我諗都唔諗 已經話唔等了 已經痛不欲生 唔想再拖長痛苦既時間 話口未完 係julia 既引領下 用盡全力痾左幾下已經聽到bb仔哇哇大叫了 終於鬆返一口氣了 天啊 終於完成任務了 今次真係要好好多謝julia 呢位專業既助產士 令到我咁安心 對比上次生菲菲既慘痛經歷 今次真係輕鬆好多 連聯針 同傷口都唔痛 回復得非常好 ! 小王子亦都好健康 係產房留左一段時間 到推出去時 先可以短暫見到王生一面 百感交集 好難用一兩句言去表達 好快就比姑娘推左入產後病房 再見了王生 #生二寶 #痛不欲生 #感謝Julia助產士 #兩個小孩的爸媽 #有得陪產卻無法趕及陪產 #沒有探病時間卻可以走出病房相聚一刻 #感謝各醫護人士 #疫情下產子 #疫情無情人間有愛
