「菲菲打1歲半針 一次過打兩針 未打已經開始喊定先」 前兩日帶左菲菲去健康院打歲半針 其實每次打針前 媽媽都好擔心 因為打完針有機會會發燒 一發燒就好不安 雖然都知道打針發燒係好正常 而且都係BB 免疫系統 打緊仗 打完就會提升 但媽媽都係會好不安 去到健康院 見到好多BB 菲菲好活躍 一野就想跳出黎四圍參觀 一落到地 就衝左去睇其他BB 指住BB車入面既BB好興奮 爸爸想捉都捉唔住 唯有陪佢係到行黎行去 等左一陣已經好快到我地量體重 姑娘要我地換條完全無濕既尿片 雖然係屋企換片係件好簡單既事 但唔知係咪環境影響 菲菲一訓落BB換片區就好驚 即刻跳起身 唔比換 加上現場好多BB係隔離打完針 喊聲連連 可能菲菲聽到個心都好焦慮不安 點氹佢都唔肯乖乖訓低換片 最後唯有企係到著拉拉褲 爸爸媽媽都搞到一身汗 :「呼! 終於搞掂!」 菲菲體重11.4公斤 係生長線中上位置 其實都幾理想 唔肥唔瘦 d 姐姐話歲半黎講 佢都算高大 因為我問點解今日好似無乜同年齡既BB 佢話都有好幾個 但人地無菲菲咁高大 所以唔多覺係同齡 量完重 等見姑娘 其間菲菲係健康院到見到個差唔多大既外藉男BB 菲菲走過去 係咁撩人玩 但男B比較怕醜 只係跟住菲菲行下跳下 哈哈 到見姑娘 姑娘都係問返我BB既生活習慣呀 成長問題等 問菲菲自己有意識講既字眼 有邊d字 我就答佢:「爸爸，媽媽，貓貓，花花，書書，波波，魚魚，哥哥，姐姐，熱熱等」 又問菲菲分唔分得到眼耳口鼻手手腳腳 我就答佢 :「佢心情好時就會指比我睇 但唔係下下問佢 佢都彩我 」 菲菲見我同姑娘咁無聊既對答 自己已經忍唔住 拖左爸爸出房去散心 而我就繼續留係到同姑娘傾計 最後姑娘話菲菲既生長發展都好好 做到哂歲半既要求 於是就出去等打針了 去到打針房門外(可以望到入面各位BB打針既情況) 菲菲聽到BB們喊聲不斷 心底裏很是不安 係咁想我地帶佢離開現場 未入房已經係到掙扎 一入到房坐底見到醫生係到拆針 入針水佢又覺得好好奇 但當醫生叫爸爸用盡畢生既力量去提實菲菲時 菲菲終於意識到情況不妙 未打針 已經呼天喊地 用盡吃奶既力不斷掙脫 好彩爸爸比時練返黎既豬肉都唔係流流地 捉到實一實 打完左手 右手再打多支 可能菲菲太用地 打完右手果支 標咗幾滴血出嚟 爸爸媽媽心都痛埋 媽媽馬上準備一樽事前準備用黎安慰菲菲既益力多 馬上離既現場 菲菲見到益力多 都馬上停止喊聲 流住眼淚地啜多多 爸爸媽媽又:「呼!終於又完成任務!」 拎埋退燒藥 食埋個T 回家休息了 今日打既針係四合一 同埋 德國麻疹及水痘混合疫苗 4合1打完有機會會發燒 而德國麻疹及水痘混合針則有機會會係接種後5至12日內發燒 所以黎緊既12日都要細心觀察菲菲既情況 #打歲半針日記 #未打先喊定 #我家有個小王菲 #媽媽育兒日記 #1yearold #育兒 #親子 #成長記錄 #新手媽媽 #寶寶成長日記 #hkmum #hkmom #hkmama #hkbaby #香港媽媽 #寶寶日常 #wearehkkid #mamablogger #親子blogger #hkmamablogger #hkig #bbmodel #babymodel
