位於大埔九龍坑山，係不少大埔人會去行山嘅打卡熱點之一，但其實有一條上山入口甚少人知！我哋一齊睇下。 沿着大埔網球埸後面行，會有一條小斜坡上去，上去會見到有人住，隔離仲有個休息亭，有啲康樂設施，然後一路直行行到盡，會見到有條路👇🏻👇🏻👇🏻 沿住條路行到盡！ 🚫行到中間有條樓梯係上 墳墓 㗎🚫 行到盡頭向右望，就會見到上山入口啦👇🏻👇🏻👇🏻 然後就可以開始你嘅行山旅程啦🏞 總共有四個休息亭，到第二個亭就可以望到康樂園。 上到涼亭休息下，飲啖水 仲有得帶埋狗仔去，係亭到影下靚相📸 然後到第三個亭就能望返大埔 亭到有兩張長凳，坐喺到靜靜欣賞大自然吹下風，個人都特別舒服。 重點嚟啦‼️上第四個亭就要行近一千級樓梯，你冇睇錯，但唔洗擔心途中覺得攰就停低，飲啖水望下風景，再接再厲！ 行到上嚟就已經完成旅程啦👏🏻因為我通常行到上嚟就會落山。依家第四亭新設左長凳同千秋，就可以坐低同狗仔玩下休息下。 你亦可以自行決定是否繼續行，因為上到亭可以直接見到一條梯級落下，沿路一直行，山路比較崎嶇，所以行個陣一定要小心！ 之後就會行到分叉路，右邊通落富亨邨，我最盡就係行到個到🤣落去時風景都好靚，可以見到海濱工業邨。 落山徑亦好靚！係影相靚位📸 然後沿路落返富亨邨，就可以搭巴士離開㗎啦 今日介紹嘅大埔行山徑希望大家鐘意！有興趣歡迎追蹤我嘅Blog同IG 。
