上面嗰類相見就見得多，但從未想過自己有朝一日會親身去到。今次烏克蘭之旅，終於實現喇！ 一切都是緣份！ 當初 plan 去烏克蘭，一心只係想去切爾諾貝爾核電廠，仲覺得首都基輔無野好做，後來無意間發現原來 Tunnel of Love (Ukrainian: Туне́ль Коха́ння, Tunel Kokhannya) 位於 Klevan，坐落喺在基輔 Kiev 和另一個旅遊城市 Lviv 中間；但時間緊迫我們決定不會到訪 Lviv，因此本身想放棄；但再想想，我們此生也未必會再踏足烏克蘭，所以決定即使來回基輔要花 8 小時，我們也要去這個美麗隧道！ 我們為求快及不需騰折，向旅行社包車直接往來基輔同 Tunnel of Love，價錢是 €220，中途會去埋 Tarakaniv Fort (癈堡) 及 Lutsk 小鎮。 Tunnel of Love 隧道全場 5km，我地喺度逗留左 2 個鐘，不停影影影，仲玩埋 Hover Camera 航拍；當日天氣好好，藍天白雲，影啲相出黎好靚，影相影到樂而忙返！黎到 Tunnel of Love，記得同愛人 kiss 返啖，因為相傳咁會令情侶更加情比金堅架！ 呢條路軌，其實屬於一間木廠嘅私人鐵路，仲運作緊架，每日有三班車行經，可惜我地 12-2pm 喺度，都無運氣見到列車駛經嘅一幕。 可能我地去嗰日係平日，成段路都無咩人，LUCKY！間唔中會見到當地人來放狗或者一家人散下步，好羡慕佢地嘅生活啊！ 除了包車，其實還可以坐巴士及火車，Google Map 有以下 Suggestion 參考： 點擊圖片放大 以下旅行社提供租車服務： Green Tour Ukraine Kiev Tour 當然你可以自駕遊啦，呢個選擇係最平！烏克蘭嘅道路很好，好安全，有 GPS 導航就無有怕！只是職業司機來回也要八小時.... 我地自駕的話應該唔止！另外，如果揀夏天去，記得記得帶蚊怕水！聽人講夏天勁多蚊勁多飛飛 @~@ 攝影心得分享： 如果用 wide angle 嘅鏡頭影，會影唔到上面 tunnel 嘅效果，因為佢始終喺一個森林入面..... 山長水遠黎到，當然唔可以敗興而回啦！所以建議你準備一支長鏡， ZOOM 到好遠，先會有壓景效果，先會影到明信片咁架。我啲相用左 200mm/F2.8 來影，都仍然唔夠用.... 以下就係用 iphone 6s 就咁影嘅效果.... 另外，如果想有多啲綠葉喺你幅相入面，你一去到入口，就要忍手唔好停低係咁影，要一鼓作氣繼續向前行！因為通常啲人喺入口五百米範圍流連，嗰度嘅草披自然被人為破壞多啲，地面可以話係俾人踩到寸草不生；所以，你唔好俾入口嘅美景所吸引，要行到好入，到時草又多啲，人又少啲，咁張相就會靚啲喇！ Facebook 專頁：Ms M wanderlust
