不經不覺，豬太郎已經做咗年半多啲媽媽，就好似標題咁講「為人父母甚艱難」，養大一個B都要諗好多嘢、做好多功能㗎。所以好多嘢都係睇下FB、Youtube取經，邊學邊試！講返正題，做媽媽真係好容易亂買嘢，啲BB嘢細細件好可愛，成日唔覺唔覺買咗返嚟但唔啱用，啲基本奶樽、尿片、濕紙巾我就唔特別介紹，只係想分享一啲真係買咗完全唔後悔嘅Item！➜床中床aka 小睡窩 豬太郎考慮到畢直冇買到最多人講嘅Red Castle，反而喺萬X買入呢張”doomoo CO08 Cocoon 豪華安睡睡窩”，功能上當然冇Red Castle咁堅可以畀到媽媽子宮個種安全感同滿足。但實際操作，豬太郎同老公用小睡窩有 3 個重點：1）同床瞓嘅時候，將妞妞同大人隔住2）放喺BB床嘅時候，可以包住妞妞，令佢可以Feel到冇咁闊落，瞓得安穩3）可以隨時搬去唔同位置，例如沙發、playmat，甚至要短暫去四大長老屋企瞓由初生用到5-6個月，當BB隻手已經伸晒出嚟，就冇再瞓睡窩啦，平日清潔除咗成個拆出嚟洗，豬太郎多數都係鋪一塊大嘅紗巾，咁就更方便啦！➜四層 / 六層紗巾 呢個喺臨生妞妞前，奶奶已經幫手買定幾條大嘅紗巾，當時仲覺得買成 4、5條，會唔會太多呢？但妞妞出世後，真係咩時候都拎嚟用！沖涼一定有 2 條隨時替換，平時瞓覺又會當被鋪鋪喺底畀妞妞瞓，晏教個陣又會有一條拎嚟做被仔冚住。就算開晒冷氣，妞妞都可以一頭霧水好大汗㗎，有多塊紗巾墊一墊，就可以畀媽媽懶一懶，唔洗拆晒啲被鋪去洗。➜成長椅 健康院姑娘話當妞妞開始識得坐直嘅時候，就可以畀佢試下食米糊，當然每次都係坐一陣，畀佢當練習啦，但考慮到長遠都要坐，就買咗最多人推、同時都貴貴哋嘅Stokke。由妞妞 6 個月度開始坐，到而家1歲幾，每餐飯豬太郎都會畀佢習慣食飯要坐定定，而妞妞都坐得好直，食飯表現都算係咁。➜破壁機（有輔食功能） 有得坐又點會冇得食，冇跟隊買輔食機嘅主要原因係因為覺得用唔返好唔揸抵，後尾就係電器鋪見到 “daewoo 大宇破壁機”，其實都係一個試嘅心態去買，諗住整唔到妞妞嘢都可以煮到啲大人啱食嘅西湯 / 甜品。用落真係冇得輸，唔知道其他Brand係咪都咁好用，因為我屋企淨係需要一部lol，用嚟打米糊係好綿，如果妞妞唔係食即沖嘅米糊，係可以用破壁機自己打米糊。而一歲嘅女女就大部份時間都係食佢煮嘅粥仔，只要備好料，掉晒落去，20分鐘你就可以得到一碗同啲料Mix晒一齊兼且好入味嘅粥！➜床圍 豬太郎係exactly買咗呢一套彩虹Set，起初覺得床圍廢廢哋，唔知點解買床鋪Set一定有4片嘢，但到妞妞識轉身碌嚟碌去，床圍就開始有用，碌到邊撞到邊都唔驚！到而家妞妞識行識走，有次拎咗啲床圍去洗，放返妞妞上BB床嘅時候發現佢好鬼馬咁伸隻腳出嚟，好影跌襯/卡住，平時有床圍唔會伸到，就安全得多。➜電子探熱（最好係額同耳仔都有） 最後聽落好似家家戶戶嘅父母都應該會買，但又唔係個個都當探熱係一回事。事緣有晚妞妞爬上爸爸度，我哋兩公婆都覺得好奇怪，平時瞓教唔會搞咁多嘢，摸落又㷫㷫地，即刻幫佢探熱，又真係發燒，好彩屋企個支係有額探，因為妞妞好驚探耳仔，最好就有晒兩樣啦！（豬太郎覺得耳仔準啲）爸爸後尾表示：「呀女個晚㷫過火屎」➜圍欄＋PlayMat 妞妞 3-4個月開始用Playmat，大約6個月已經用埋圍欄！點解咁早用？雖然豬太郎做咗FTM，但都冇可能 24 小時望實佢，好多時煮飯或者沖涼去洗手間都會放佢入圍，假期個陣仲可以畀佢兩父女玩MMA，牌子同Size絕對係個人選擇，唔好諗住識爬識走先畀佢慣用圍欄！咁啱豬太郎屋企沙發前有一個長方area，所以買咗摺疊款，一開就畀佢落場。豬太郎都會定時定候入埋圍欄陪佢唱歌跳下舞，等佢知道唔係入圍欄 ＝ 冇人理！想買Caraz嘅朋友，記得用Gmarket買！平超級多！！！追加一樣唔使買，但好實用➜”寶寶育兒記錄 - Piyo日誌” 可能你話手寫都OK嘅，但想寫嘅嘢全家都睇得明又可以大家都一齊入Record就真係用App最方便，就算去健康院畀姑娘問起，都唔洗拎起疊紙慢慢睇，一撳電話就Check到。佢只要Share日誌ID就可以唔同Device都用到同一個Account！而家妞妞一歲幾，豬太郎同爸爸都Keep住有用㗎！#新手媽媽 #媽媽好物分享 #Caraz #Piyo日誌 #大宇 #破壁機 #Stokke #成長椅 #doomoo #豪華安睡睡窩
