Manman’s Review ＜岩聽就聽×唔岩就算＞ Hypanique - Skin Rejuvenator Mask 涵沛殭屍面膜 產品聲稱 1.可追蹤面部鬆弛和有細紋的地方 2.緊緻抗老 3.保濕潤澤 4.亮白肌膚 試用日期 第1次: 2014.07.31 半包 第2次: 2014.08.10 半包 第3次: 2014.08.21 一包 第1次: 2014.07.31 半包 第一次試呢個MASK 真係覺得好好玩，而且佢聲稱可以追蹤面部情況，覺得好吸引，收到就即刻試。開左半包查上面已經完全可以覆蓋哂成塊面同埋頸，所以我就封返好剩低果半包留返下次用。上左面２～３分鐘，塊面已經緊到不得了，好快就睇到邊個裂開左同埋邊度有鬆弛起皺紋。敷左１５～２０分鐘我就洗左，洗既時候感覺滑嘟嘟既，尤其是係一掂水果下，即刻舒緩返咁緊既肌膚好舒服。敷完之後最特別既係佢令到啲粉刺浮哂出黎，好容易就推走左。最後要注意第一次敷完，可能塊面未係咁適應會有少少紅既，不過過左５～１０分鐘就會退，唔洗擔心。第二日上妝都比平時貼服。 第2次: 2014.08.10 半包 到第二次敷呢個MASK既時間，就係過左一週生日週之後，呢個星期日日都唔夠訓，所以好想敷返個面膜補補啦。今次敷埋上次留低既半包啦，好明顯佢裂紋同埋皺紋都誇張過第一次好多，就連男朋友見到都忍唔住想摸下。未敷第二次之前，我係度諗，佢裂既位置同埋皺既位置會唔會係一樣呢，結果果然係唔一樣既，無論係位置定形狀都唔一樣，所以我相信佢話可以追蹤面部肌膚既功用係得既。而且第二次紅既情況幾乎見唔到。 第3次: 2014.08.21 一包 第三次係效果最明顯既，呢一次我用左整整一包，可能你會覺得有啲多，就算查哂全塊面同頸都仲要繼續鋪上去咁樣，但係我極力建議一定要用一整包，其實再準確啲我覺得係３／４包，有多可以敷埋手。從圖片可以見到裂同皺都好少，但係咁樣唔代表佢追蹤唔到面部情況，而係佢追蹤到之後仲可以幫你修復返啲皮膚。呢一次上面，好耐你都唔會覺得開始乾同埋緊，全個過程都敷得好舒服，唔會再緊到氣都抖唔到。最重要係敷左３０～４０分鐘之後去洗，洗完果種彈性你係即時睇到，保水既感覺都係既時feel到，敷完真係覺得有料到。 總結 呢一種面膜只講有趣度已經好高，但可能你地會覺得要擠黎擠去又要洗好唔方便，所以我通常敷完先沖涼一次過洗得乾乾淨淨，最緊要係要記得查返平時既護膚程序鎖返住啲精華。另外，我建議可以係重要日子前連敷２～３日，例如啲咩結婚去飲等等，記住係敷一包或者平時一星期敷２次都可以。 測試結果（★★★★★滿分） 1.可追蹤面部鬆弛和有細紋的地方 ★★★★ 2.緊緻抗老(未能測試能否抗老) 3.保濕潤澤★★★★ 4.亮白肌膚★★★ 感謝 chrisleewaibeauty 提供試用 www.facebook.com/chrisleewaibeauty 沙田好運中心L3,91鋪 (Tel :34869868) 九龍灣淘大商場1期2樓S85A (Tel :34861807) 荃灣南豐中心2樓51鋪 (Tel :34861826) *此試用報告僅代表本人意見
