15-17 aug 2017 由德國去捷克都好快，亦都係40日歐遊 最後一站。布拉格真係有淡淡的浪漫feel，d人話係東歐版巴黎，都無錯，一樣有大量遊客。 到埗布拉格機場後人人都去搭巴士，跟大隊，之後轉地鐵，地鐵好俄式，深深的洞，有股淡淡的俄味。燈光，裝潢都似..... 去到hostel一帶都驚驚地，因為好陰深好窮咁.....但好快就訓著左。 第2日一早就出發去ck，都係student agency web買巴士飛，好順利上左車，3個中後到達ck，真係超得意，大大粒的紅屋仔古城~~~我真係影左超級多相!!! 上左彩繪塔，行左好多小店，食左好多小食~~~本來第1次見唔到護城熊，但第2次就見到，仲屎忽扭下扭下，好正,,,,,係我第一次見大灰熊，記得係日本見過一隻有精神病的北極熊.... ck呢個紅頂古城入左世遺，佢真係保存得超完整，有條彎彎的河包圍住，而且旅客絡繹不絕，又多人影婚照，財源滾滾。有時見到d美景過度旅遊化，都有少少殺風景。 第3日就去布拉格市內景點~~~都係典型野，charles bridge, the dancing house, power tower, old town etc., 去到天文鐘見到超多人，原來係就黎整點，所以咁岩見到個鐘d公仔郁下郁下同埋12門徒轉動。有好多人sell我睇"黑光劇" or 木偶劇，但無睇，又見到小天使花花雪糕，個女仔整得勁靚!!!!唔捨得食............之後去左lemmon wall，好colourful~~~又去城堡+黃金巷，同埋搭電車周圍去。夜晚好想食豬肘，係hostel附近食左，食完就沖涼，半夜去機場~~~~完全係喪睡之下返返黎cambridge。 後記: 想再去的國家係瑞士，至於 意大利﹑法國同德國就想再去了。 老公睇完我d相，最有興趣係捷克，捷克溫泉區﹑骷髏頭教堂我都未去，而且物價低，真係唔錯，仲有匈牙利又係好想去~~~ 良辰美景，有您在，才最精彩!
