8月頭~~~ 離開旅客勁多的巴黎，天氣由寒冷又變返炎熱，旅人由勁多變到勁少。 一早由巴黎機場出發去南部beziers，全機都係法國人，臨上機買水，有個好好法國人幫我，仲好客氣，好快就到埗，一出小小機場就見到d家人相擁，暑假回鄉團聚的感覺。 搵巴士時發現英文無乜用武之地，上到車個司機唔夠錢找，就免費請我搭車。沿路都熱到反光，見到好多vineyard，奈何我要做功課~完全無飲過酒..... 去到市區已經熱到嘔，食左個牛扒餐之後就check in，因為呢個城市又古老，又少人，又唔係遊客區，酒店選擇太少，住ibis，不過只係$300幾蚊，check in後就狂做功課，做左2日2夜，出去搵食時，見d餐廳都放暑假........死城咁......... 最後一日check out後，係lobby繼續做功課，之後決定出去遊覽下，原來係咁古典! 有一條傘傘頂步行街，行去唯一大教堂，睇完無耐就有人辦婚禮，本來都想上頂，但行行下發現原來唔使咁辛苦都可以睇到紅磚全景~~~好靚~~之後又坐下食下做下功課，但都未等到我訂的巴士時間，當初係flixbus訂晒全部巴士飛，決定唔等，坐普通巴士到montpellier。montpellier比較繁榮少少，市中心有旋轉木馬，好多shop，行去酒店(學生宿舍)，去到好似玩treasure hunt咁，佢send左email比我，全法文，我估到其中一排數字係門口code，入左去，咩人都無，lift要卡，全場只見到一道道要code的門，一個角落有一個夾萬，等左陣見到有人，有救兵，原來我以為係房號個set no係夾萬code......入面真係有key........宿舍好大，有廚房，正~~~ 住左兩晚，附近有carrefour，煮下菜食，做功課!!! 最後一日去行下景點，靠電車去左幾個景點，古代的水道牆，weekend market，之後就上巴士去馬賽~ 馬賽係法國第2大城市，有地鐵，間hostel無冷氣，第1日仲要有蚊，不過都無心情投訴，仲有2日就要交功課，第2日全日係starbucks做功課......做完之後去左海邊行下，又有小天使花花雪糕，今次個女人整得好求其，無咁好食~ 原來馬賽係完全無特別，海邊係碼頭，但唔係有錢人碼頭個種。山上有個尖教堂，不過我無去。 第2晚係hostel最後衝刺，check左幾次後終於交左功課!!!!放鬆晒!!!!呢份功課大大話話都做左幾個月，交左後就開心晒~~~食pho慶祝! 離開繁雜的馬賽......完全唔中意呢個地方，hostel太差，人太雜，無乜靚地方。 去toulon住一晚，正常的酒店，到埗後即訓，訓到傻左~第2日check out後去遊覽下，原來都幾正，個碼頭好豪華，有市集，有d tour，為左kill time就join左，原來係去睇航空母艦，submarine，同埋d古城堡，去完都仲有好多時間，就去左shopping mall，夜晚食左越南野就出發去nice!!!!! 終於都到尼斯~夜晚5光十色，有casino，海岸線好長.....行左一輪到hostel，3人房，mixed，有個法國妹，半夜有個男人返左黎，訓得麻麻。 第2日就出發去monaco摩納哥。全世界最細國家1. 梵諦岡 2.摩納哥 3.san marino，摩納哥真係好多山城彩色屋，大量郵艇，名店，酒店，casino~~~用腳行都唔使好耐，佢有個皇宮﹑仲有換兵儀式，粉色的皇宮。成個國家感覺五顏六色，好密集! 之後搭巴士去nice，係最左邊的山上觀景台附近落車，正好! 由最左邊治路去到最右邊，玩晒~ 上山睇最景,,,,,,,,,,,超靚!!! 比起英國南岸大scale好多，一個beach容納左好多人，之後去石灘坐，吸下靈氣，好舒服! d人係玩浪，次次有浪時d人都叫，真係推郁左d人........無乜人游到好出，我諗冬天d浪會仲大，海水係粉藍色，好靚! 之後我去食晚餐~又係seafood pasta，同埋creme brulee，gelato~~~係法國真係好多甜品，好吸引! 真係成日都忍唔住，而且好好味~~~去左一個噴水廣場~停下噴下，海天一色反映得好靚~ 行左一大輪，都係個海邊最吸睛，最後都係決定返hostel沖白白instead of 游水~ 返到hostel，有個pakinstan人，之後有個日本佬，我地傾傾傾，傾左4個中，成晚都係傾大家的故事，個日本人同老婆女女失散左廿年，個女用fb搵返佢，好似做戲咁.......真係可以寫書。第2日一早都傾左一輪，呢次係咁多日以黎 同人傾得深入同最有趣的一次! 老公覺得我同兩個男人一間房好恐怖，但隔離就有房有人，又有reception，我完全唔怕。通常住大型hostel，都唔會有人主動去傾太多野，但因為3人房又有空間，就會有心情去交流。 因為尼斯原來玩唔到咁耐，就決定去康城cannes睇下，一去到就是旦搵間酒店放低個backpack(其實無訂房)，去到海邊，大大的沙灘(非石灘)，去左康城影展，咁細架,,,,,地上的手掌印原來咁細咁少~完全唔起眼~ 之後上左山觀全景，康城係右邊海左邊屋，尼斯係左邊海右邊屋。真係唔錯~~~再行下食下就出發去尼斯機場~~~~~ 再見南法^^如此美好的海岸......南法真係每個城市都有旋轉木馬，有d仲有埋摩天輪~~~南法係一個美好的國度^^^^
