30 july - 5 aug 2017 法式。生活 巴黎係我由少女時代已經有感的地方，pre wedding時已經想去，honeymoon時又想去，但當時老公想去意大利多d，今個暑假，我終於踏足巴黎了!!!! 一落機就感覺寒風陣陣，由巴塞勁炎熱變到寒冷，終於可以舒舒服服咁行全日。 因為係巴塞機場訓左一晚，訓到5am左右上機，全程機都喪訓。出機場要見海關，係咁多次入境以來第一次，之前意大利﹑西班牙都完全唔需要。 機場巴士全程喪訓，訓醒就到左一個大商場，有angelica朱古力店，好似香港ifc。 去到酒店都未夠9點.........好眼訓.......媽咪!!!!!!! 太早，未有房住，局住去食d野，m記早餐我叫左熱朱古力，佢比左一小杯熱奶，同埋兩包大大包的朱古力粉，真係好濃好濃......係for朱古力醬lor......... 之後10點未夠就比我上房，太好了，個酒店老闆成日話我有very nice smile，明明我殘到pk，又借風筒﹑變插器﹑佢個wifi係要另外收費的，但佢都肯比個code我用....好好人。 巴黎唔搭地鐵會好煩，雖然明知危險，唯有自己小心d~我住個區係3大危險區之一，又多黑人，但我無出夜街，所以無出事。 玩巴黎同玩倫敦差不多，又係要玩4-5日，好多景點, museums，好多野食~又係沿住條河，左岸右岸都充滿宏偉建築，目不暇給，周圍都係黑人賣巴黎鐵塔，連d士多都會昆遊客，食野係貴，周街係人，但都仲有一種淡淡文藝氣息，特別係蒙馬特區。 第一日我用晒黎訓咁濟，巴黎同倫敦一樣，都無冷氣，但都唔需要，好舒服的天氣。 第二日首先衝去巴黎鐵塔，好正~~~~~~天氣又好，個鐵塔有好多細位，印左字，又好複雜，塔上面 除左觀景台仲有餐廳，條龍好長，四周圍都見到大大小小旋轉木馬，法國係我去過最多旋轉木馬的國家........... 之後上左廣場遠觀鐵塔，再去凱旋門，行香謝麗舍大道，好多好吸引ge shop，巴黎馬路旁d花圃都可以整得好靚，真係花都，好女性化，之後去左大皇宮同小皇宮，再經過盧森堡公園，坐係度hea，同隔離個人一齊餵下雀同鴨，好舒服~ 行入羅浮宮，人山人海，其實我對博物館無乜興趣..........聽講mona lisa好細幅，而且係假的。夏天真係唔識天黑咁，再去埋無晒鎖的鎖橋，右岸的書報攤，shakespare n company書店，隔離仲開埋間同名cafe，食左個tea後就去聖家堂~~~~好精緻的教堂，好美~~~個時係星期6晚，見到神父~~~估唔到聖家堂係咁靚~ 之後去左西堤島，一個人工填海島，好多人表演~~~~是日完。 第3日係星期日，緊係要去巴士底市集覓食啦~~~去到見到咩都有得賣.....under, bra, 睡衣都有, 熟食唔多，我主力係為左搵生蠔，有8, 9, 12, 15歐一打，我揀左12歐，一隻先係1歐，超級好食，仲好回味，完全無金屬味，好清甜，難以形容。最後都唔夠飽，入左一間cafe食brunch，之後臨走見到好多人喪買水果，d水蜜桃 桃博梨勁大粒，個檔主唔知做咩，比完錢叫返我轉頭，比左個飛吻我之後就塞左半個大西瓜比我.................. 好重..........局住返酒店放底............... 之後行去聖母院(呢區幾雜)，要上山的，天空最好的一日，大大舊雲~~~遠觀整個巴黎~~~落山後亂行，比我見到小天使 花瓣雪糕~~~~~~心心眼~~~唔係淨係得個樣，芒果同caramel都好好食~~之後行去藍色磚牆love wall，有520種語言的"我愛你"，再行去moulin rough我記得我係有睇過紅蘑坊電影，d女人係露晒兩點的.......... 時間仲係好早，就決定上凱旋門，因為學生證免費，上到去發現不外如是，都係現代化城市景，睇完就返歸~~~ 第4日已經唔知去邊，一早去食 青口餐，食完見到PAUL甜品店，又食macaroon，無意中去左opera house，完全唔知入面係點，本來都無打算入去，好彩睇到一段viedo，見到入面原來咁金碧輝煌!!!! 入到去嘩嘩聲~~~~金到爆，靚到亂七八糟!!!! 睇opera個會場入面有個花花頂，成座野都以金傷人，好誇張!!!! 之後再行下 老彿爺同埋巴黎春天，比起harrods真係差得遠，呢兩間百貸只係普通外型，而且寫晒簡體字銀聯乜乜乜....... 第5日就一早去凡爾賽宮，學生上網可以免費攞code入場，去到真係o晒咀，入場(已有票)都要排成個中，超級多人，點解會咁顛............去到鏡宮，都唔及opera個個咁靚，而且點影都係人人人，d鏡唔夠光，d燈唔夠令，佢靠窗外自然光但個日又唔夠光，好快就走，去到angelina，又係好多人，食左大macaroon同朱古力，都係一般般，凡爾賽宮係我見過最恐怖的一個景點，真係唔係咁值得。唔使錢都需要時間........俄羅斯聖彼德堡 夏宮就真係好值得好華麗!!! ps: 巴黎地鐵無我想像中咁臭，d閘門勁強力，但都見到d黑人撞入去，仍然無羅馬地鐵咁恐怖，有一次搭巴士，我無打飛，遇到查飛，佢要罰我50歐，我得10歐，佢話要passport，我無帶，佢話有無credit card，我又無，其實我係真係無!!! 佢另外兩個同事都摔緊逃票的人，佢其實有心放我的.........好彩咋............真係要乖了.......今次只係好彩.... 所以，除左酒店老闆成日口花花，水果店個人塞西瓜，最好的貴人就係查票人員.........thank you so much!
