27-28 july 2017 真係好中意巴塞隆納~~~~一個好有性格的城市，歐洲難得一見。除左參觀高第遺跡，仲有海灘同奇山林，如果多一日時間，我一定會去奇山林。 一直都好想去西班牙，除左美食，建築，地中海，仲有拉丁文化。今次住hostel，唔岩我，我需要霸晒。由都靈機場上機，機上有好多中學生團體，好嘈..... 巴塞機場真係好大好多signage，好複雜，去到市區~~wow~~~咁先進........唔會見到英式磚屋仔，主要係法式感覺，城市規劃一格格，紅綠燈係一齊著的，馬路好闊，左右兩旁仲有單車道，中間會有公園，好神奇，繁華大街中會出現公園仔，四周圍好容易搵到bench，好多地方休憩，垃圾分類箱好多，當地人好自律。 高第的鬼斧神工吸左大量遊客，好似到處都係人人人，d景點入場費一d都唔平，廿幾歐，我好想入聖家堂，上網買唔到，walk in又係full，結果只可以入側堂參觀。米拉之家，巴特婁之家都係好貴入場，仲有奎爾公園，以前都唔使比錢，而家要。自從呢堆遺跡變晒全私人管理後，就只有年年加價，高第除左唔中意直線的設計，佢仲經常加入動植物﹑包括海洋生物﹑水果﹑森林﹑昆蟲﹑彩繪馬賽克，大開眼界!!! 聖家堂係唯一一個未完成但已入世遺的傑作，2026年仲有9年，好想完成時同老公入去欣賞! 聖家堂4面包括榮耀之門等4道門，每一面都完全唔同感覺，已經係第4代建築師，最後仲會係33條塔尖上放上燈泡，紀念耶穌33數離世。 都好耐無咁中意一個地方了~ 食物方面都好顛.....唔平.....可能遊客太多，食左paella，好鹹，有一日去market，好多果汁，好多小食，食左4隻大紅蝦，非常鮮甜，好好好好食，成個口都係實淨的甜蝦味~4隻蝦要15歐，但隻隻手咁長，4隻蝦已經夠飽，全個market d野都唔係特別平，有食ham，但完全無打算買所以都無試好多，有次經過一間ham店，佢好好比我試左幾種，有一種係好似大肉腸形狀要自己切的ham，好好食^^ 西班牙真係好special.......壞壞的懶懶的充滿魅力，置身其中就會發現非一般時代感 ps:巴塞沙灘有好多中國呀姨撩d人"馬沙雞", 南法d沙灘都見5到~
