21-25 July 2017 重臨意大利，今次去東南部，比較冷門的城市。2014年11月HONEYMOON去左大部分典型城市，roma, vatican, florence, pisa, luca, 5fish village, venice, milan, verona, rimini, san marino, bologna, napoli, sorrento, positano. 今次去埋東南部bari, alberobello, matera, 同埋北部都靈turin。 第一晚夜機到bari，好順利出到市區，行去酒店行到傻左......蕩失路，仲入左黑人間屋比人鬧，月行月驚，腳都軟埋..........有一個位 我聽到有人跟我，我驚到狂跑......但虛驚一場。BARI係出名危險的，有時知道危險都唔知係好事定壞事，會疑神疑鬼。 酒店好遠(行9個字)，天氣好熱，通常一日去一個CITY，好鬆動，夜晚好早就返到酒店。當初揀呢間酒店應該係平靚正,WIFI 冷氣勁，但好遠......... ALBEROBELLO係蘑菇村(歐洲版白川鄉)，好多TULLI屋仔，用磚頭蓋的屋仔，有D仲MARK左唔同圖案，全條村都唔係好大，一個中一定行得晒，食埋個LUNCH都係4個中內玩完，搭火車都要個半中，但返到酒店都仲未天黑..... 星期日BARI無火車的，天主教國家.......所以星期日就去行下BARI市區，仍然好似死城咁，我發現最多人出沒的時間係黃昏時間，會有D街坊出黎乘涼，BARI係沿海城市，80,90年代係毒城，老城區仲有九龍城寨感覺，好窄的小巷，三合院，但而家已經人去樓空，見到老人家為主。連續幾日出街都見到有黑人青年摷垃圾桶，大廣場會有警車警察，有一次我見到4個好似黑社會大佬的人，其中一個鬧我，我即閃，我估佢係講"呢D地方唔係我黎的"之類~~~本來第一日我都係外露相機小包，但後來就用大袋收埋，怕怕。 星期一去左MATERA，一個泥黃色的石屋山城，石穴，SASSI，好有耶路撒冷感覺，佢係電影"受難曲"拍攝地，因為石屋衛生+空氣差，已經少左人居住，我係其中一間石洞食LUNCH，好涼快，但有霉味。好中意呢個地方，真係好似耶路撒冷.........唔識點形容，唔覺得係現代世界。臨走有個意大利男人好友善同我握手，又親面，佢握住我雙手，又講一堆意大利話，又SHOW比我睇佢結婚介子，我其實比佢捉住雙手時係驚驚地，怕有人會偷野，但又無事.............希臘時又有個咁GE男人，又係握完手又要親親面，親完又叫我老公幫我同佢合照..........都幾神奇 都靈係意大利北部，我都係搭飛機，一路上都好靚，天氣好好，繁榮先進美麗，同之前十幾日希臘南法好唔同!!! 我覺得自己終於去返一個正常URBAN CITY。雖然只係逗留少於一日一夜，但都去左好多地方，夜晚上左山影全景，好廣闊，就係因為呢個景，所以我想黎呢個地方。仲有好特別的電影博物館尖塔!!!!夜晚食左都靈出名的黑白朱古力GELATO，真係好好食^^ 臨離開時，係機場食BACI朱古力，難食左....以前覺得好好食....咁多日最好食GE野係 手作意粉同埋GELATO，最中意就係MATERA古山城，有機會要帶老公黎~~~嘆為觀止!!!
