15jul2017 (fri) 今日係最後一整日，夜晚11點機返雅典，但最主要的景點都去晒~ 都有少少好奇肥沃火山帶下成長的葡萄莊園會係點~~~我地咩晒背包check out後，第一站就去3bells藍白小屋，其實已經去過5次，因為每日必經......同佢say左個bye之後就沿海邊去睇大大片的fira山城，中途慢嘆左個lunch，包場.....發現通常我地食飯時間都早過人(11:30pm, 5pm).....之後我地去fira，一一同纜車站, gelato店say bye，最後無意中見到一間tour agency，就問佢地點去酒莊，佢教我地去wine museum，入場仲送4杯酒，仲教我地點搭巴士~~~ 好順利就搭巴士去到wine museum(kamari方向)，7歐入場，入左山洞底的地下展覽館，一格格咁詳細解釋呢間酒莊歷史同埋各種酒的製法。最記得係ice wine用大量葡萄乾壓縮而成;白酒的顏色係因應唔同木桶色澤而有唔同...等等。最後就係慢慢品嚐最出名的4種酒, 白酒, 紅酒, 深色ice wine，蜜糖色ice wine~~~飲到紅都面晒~~~~~~我地酒量真差~ 之後就再搭巴士去到kamari beach，好多好多人~~~個海真係好藍!!!!!海水好暖~完全係舒服過泳池~~~之後食個waffle(超好食)就閃~~~最後一站係去oia睇日落~去到oia要搵蕃茄湯飲~~~~~都好快搵到但原來無晒湯~~見呢度有海鮮sakamaki，係蕃茄儈飯，好有層次的蕃茄汁，仲有幾個好靚view的位~~~ 其實oia有幾個睇日落的靚位，不過我都係揀左城堡上，因為可以望住兩邊山城~~~早兩個中都已經有人霸定位。我打算坐住看住個背包，老公去風車度行下~~~坐坐下就有個廣東話女仔問可唔可以坐我隔離~結果就開始傾，佢係廣州人，仲比我r到佢車我地去機場^^其實本來都好頭痕點走，因為睇完日落先走會出現大量人潮，要由oia去fira，再由fira去機場......仲要係尾班車，趕唔到就痾拔甩~ oia的日落真係好正........感嘆!!! 完結後大大的鼓掌聲，有幾百人吧......為我地送上完美的句號~多謝造物主，多謝愛琴海，多謝santorini ^^ 越過人海去到停車場，舒舒服服到機場，多謝廣州姑娘~ 仲早左好多，再食多餐就上機，到達雅典，airbnb有接送服務~好快就訓左~~~安排得真好~ 總覺得santorini之旅係perfect!!!!!完美的人，完美的經歷，大豐收 so grateful ^^
