14JUL2017(Fri) 希臘係我好細個已經好想去的夢中國，我諗係f.2時訂下的，原因係greek god同埋愛島海。其實未去希臘之前，都曾經去過一個南意山城positano，不過佢只係一個XS size，因為佢斜度唔大，而且d屋仔大大粒，但佢係彩色屋，無藍白小屋。個時係因為無plan過要去所以超surprise，我記得係因為見到好多人等車所以跟大隊去。去到又正值日落，而且佢係山城同日落痴埋的，所以好靚。落到山下海灘時有隻好得意的貓仔同我玩，個時冬天天氣好舒服，我記得成個honeymoon trip最中意的地方就係positano~~ santorini係一個絕對需要4-5日玩的島。最北的oia，下面finostefani，下下面的fira，同埋南部的火山岩區，消失的亞特蘭大斯，仲有紅, 黑, 灰, 白沙灘，溫泉區，大量酒莊，真係好多野玩。我無去mykonos，如果再揀，我會留聖島多兩日。 今日一早我地就去左oia，見到傳說中的風車~~~同埋3連膽拖藍白小屋。d街道po晒整齊白磚，唔似得fira d石屎路，加上店舖唔係賣大量複製的大6樣擺設，我覺得oia係高檔精緻好多。行到尾佢仲有一個城堡觀景台，右邊就係一大片美美的風車山城景。左邊高崇的紅火岩，加上藍綠色海水，真係好靚。我最無想像過就係可以見到咁宏偉的火山沉積岩，同埋原來呢種火山山城係咁密雜。歐洲太多地方有山城e.g.葡萄牙有個白色山城，但火山岩的山城應該唔會好多~ 本來我一心諗住oia留到睇日落，但我地已經差不多行晒oia大街小巷，所以就行左落山，諗住去海邊，因為我地係觀景台撞到之前的日本媽媽，傾左好耐，佢老公同女落左下面個海邊游水。，行落去碼頭，沿途d石時大時細，又熱，去到中段見到驢仔。。。屎s~~落到碼頭，就撞到日本爸爸同女女，佢地話海水中有好多墨魚，沿住左邊行，行到去一度寫住stop，就算了~~~~~~~~~~~太熱了，時時都想飲汽水，結果就飲汽水食雪糕。 之後，我扭唔上山，因為真係太恐怖! 我行左去泊車處搵順風車，一問就成功，一對巴西母女好爽快，仲瘋狂傾計，個呀媽唔知係邊度搵到好多黑色火山岩石，好似執到寶物咁~~我地瘋狂傾計，傾到唔識落車，結果去到酒店附近(finostefani)，錯失左oia日落~~~ 之後就是旦搵左間餐廳食龍蝦面，都唔錯，但唔算超好食，再hea左輪先去3bells度睇日落，又係無人拍掌，不過融合埋一齊的日落與藍白小屋真係好靚!!!
