13JUL2017(THU) 尋晚夜機到SANTORINI，機程唔使兩個中，全程低飛，好好訓，搭船好似要搭7個中，而且飛機都唔貴。買船飛係好麻煩的....D WEB都係AGENCY，又難買。 大概12:30am到SANTORINI機場，一個蚊型機場，一出去就見到好多舉牌人，有D係寫有AVALIABLE ROOMS。好熱鬧!好開心~終於都到聖島!!!!!!!!!!! 我訂左一間機場附近最平的酒店，60歐，如果行路，大概40分中，不過我又手多多，係咁伸手拆順風車，結果第3架車就停低，好幸運! 佢係一個BnB的男主人，特登出黎車一對母女客人，佢仲送到我地去酒店門口，真係好好人，5分鐘都唔使就到。酒店都好好，快快就訓左。 第2日一早，一出去就見到個沙灘，酒店係SANTORINI西邊的沿海。好舒服! 一排排的椰樹頂，海水好清。食左海鮮面就行出去，行左一陣已經想死，乾煎......又係好好彩見到有巴士，咁岩有人落車，呢度D巴士根本係大旅遊巴，又無巴士站，司機又串，如果唔係咁岩有人落車佢都未必停。去到FIRA，我地已經好好奇~~~左行右行，一排排山城，好快已經見到驢仔，但問題係...........我地有一大個背包!!!而且天氣奇熱~~~ 結果行下抖下之下，終於都到左酒店! 又係沖返個涼先........其實今次旅行都無點做功課，主要係用GOOGLE MAP，見到相機仔個個SYMBOL就去。去左3BELLS個藍白教堂，佢係地標係因為佢可以有日落做背景。因為SANTORINI日落係日落還日落，山城還山城。之後我地就沿海邊行去FIRA，食下TEA，影下相，飲下咖啡，食下GELATO，好舒服! 中午時陽光太刺眼，D景色細節睇唔清楚，但日落時個山城會紅通通，好靚!!! 如果氣溫低10度就真係PERFECT的人間天堂~~~^^ FIRA其實主要係大碼頭，有大大小小的郵輪，我地對火山TOUR無興趣，都有搭下纜車落碼頭，但就無乜特別~~~上山可以騎驢仔，但我地唔想虐待驢仔，所以都係搭返纜車。FIRA除左商店 餐廳，就係租車公司同TOUR AGENCY，我地揀左間餐廳靜靜坐底睇日落，仲同隔離台的日本家庭傾計，互相影相。結論係呢個SUNSET都唔夠威尼斯彩色島個個咁靚!!!!!!!因為彩色島個個好近，而且個海係完完全全倒映左個日落......但聖島就好細粒鵪鶉蛋咁細。 入夜後我地行返酒店，D人好似個個街坊裝咁，遊客迫爆街咁，個個都HOLIDAY MOOD，有講有笑~~談笑風生~~又有人放煙花，個腦會彈出 "紫醉金迷"同"醉生夢死"~~~ 個種浪漫GE感覺係夜晚先比到，返到酒店我就即刻游水~~~自己帶的水泡PUMP虧的，所以都無用到~最後月游月凍就完結了美好的一天~~~~~~
