12JUL2017(WED) 有時酒店有早餐都唔係好事，我地通常會用最後的10分鐘落去吸食物就算。間酒店($400)冷氣夠，WIFI強，又可以隨時存取行李，所以我地放左個GIP係個度，執左個BACKPACK去SANTORINI。 時間尚早，我地出發去古市集AGORA，經過一輪行逛，天氣仍然熱得很，最好都係食野，食左個SEAFOOD PALATTE，但炸物為主，大大盆但得幾樣係好食，希臘的蝦同魷魚係好食的。粉軟的魷魚，濃郁的蝦頭。 條手信街的確好多特產，橄欖油, 蜜糖, 海棉, 土耳其軟糖, 甜點, 皮製拖鞋, 酒等等，因為之後仲會返黎，所以咩都無買，而且香港太多代購，而家旅行好少買野。 唔知去邊之下就去PIREAS碼頭睇睇，其實好多人好亂，而且無任何特別，D人都係黎上船。我就是旦問下職員附近有咩近近地的海島可以去下，佢話AIGINA，慢船6.5歐一程，咁就買定左後來的船飛，如果唔係都唔知之後點係雅典挨。 最後，返酒店拎個BACKPACK就出發去機場。本來對雅典地鐵評價都幾高，因為乾淨又快，但結果打破左。個時係收工時間，我同老公都大袋細袋，我又直接咩住部單反，另外明顯地咩住個細袋。等車等到咁上下，我神遊之際老公話左手邊有個人GUP左我好耐 應該係賊，咁我就決定去最左邊上車，結果個個人竟然跟住我跑.......我又玩野，又跑返去最右邊，佢跟唔到但其實我已經同佢有眼神交流。最後我地睇清睇楚就上左車，仲企到好入。到到一個轉車站，我見到有兩條友越過晒D人係都要企係我個卡的出口位，老公話兩個都係賊，佢地其中一個有轉過頭同我有一個眼神交流，我就望實佢!!!之後佢地見我地唔係係呢個大站出，就閃走左。 我真係有D擔心，因為之後旅程得我自己一個，又多行李，有時又夜機......... 雅典D賊....都好博.......明明已經敗露左，都唔怕咁......仲要我老公都大舊，佢地有殺錯無放過咁，其實如果唔係老公見到，我真係完全懞然不知，結論就係要周圍望下D人，睇下佢地會唔會有異樣。一般佢地都會襯人多擠迫，有同黨，會用頂帽OR膠袋姐住自己隻手偷野，同埋佢地係完成唔怕你知道咁!!!!!
