2017年7月10日(星期一) 因為要搬晒D野去同學度，我早幾日已經開始搬，發現勁忍手的情況下都竟然多左好多野，究竟咩事.............明明除左食物都無買新野。 英國D路好唔平坦，為左保住個GIP，我搵左架超市車 車個大行李，最後行左兩轉就搬晒D野。到左LAST DAY，我一早返左學校之後再將最後一堆床上用品比埋同學就去攪退房手續。大概8點左右就出發去STANSTED AIRPORT，火車同機場都勁少人。 係機場食左個BURGER餐就HEA，好難HEA，做下功課，終於都上機。上機前發生左單大野，就係我行李超重，超幾多都係收45鎊，其他人都就范，但我唔會啦......45銬可以買過晒新啦.......其實最重係部電腦，但我要做功課又要CHECK EMAIL。另外我又帶左一堆冬天衫，大嬲，又一大堆無聊野 想比老公幫我帶返香港，結果，最後放棄晒D冬天衫同埋個背囊，KEEP左個GIP，先無超重。 之前都無試過會去到BOARDING GATE先攪咁多野，憎死呢間土耳其航空!!!!!!!上到機都零晨一點幾，個人太亢奮，唔係好訓到，去到伊斯坦堡機場，上網竟然要比錢!!!!!!!!!!!!點挨兩個中，食完早餐，再係咁行SHOP，先挨到上機.......機上睇土耳其上空，除左勁少量清真寺，其他建築都好似無乜特別! 而且未出去睇都FEEL到"熱辣辣"!!!! 其實有諗過揀另一班航班係可以LONG STAY出一出去伊斯坦堡睇下，但又唔想老公自己一個係雅典太耐，加上我太遲買機票，RYANAIR, VOLOTEA都無晒平野，英國去希臘都要轉機真係慘。 土耳奇棉花堡同奇石林熱氣球我都想去，見過係香港跟團超平，而且中間交通時間都長，可以留返遲D，老D先去! 今次係機場，我買左少少DEVIL'S EYE同一個手工袋就算，但原來,,,,,,,希臘都有好多DEVIL'S EYE，好彩無買土耳其軟糖，原來希臘超多~ 係飛機上空睇希臘，嘩嘩聲，因為好多奇山奇石，好土，而且熱力迫人，完全係估佢唔到。一到希臘機場，見到老公WSP話可以搭巴士出市區，咁我就亂黎咁上左巴士，問司機佢都唔識英文，但有個好好人的希臘人又同我講可以去到市區，又讓位我坐，仲傾左陣，佢又想ADD我FB。其實個時覺得佢好怪，因為佢太主動，但而家諗返應該係正常人。 一路上睇雅典街頭，好舊，好似台中(台北都唔到)........真係好恐怖的首都~~~D屋5,6層高，全部有騎樓，大陸FEEL，真係唔可以叫做歐式建築。我諗附近國家 如:阿爾巴尼亞﹑保加利亞都係咁窮+舊。土耳奇都應該係簡陋，但人民服飾打扮，宗教信仰又會令成件事好合理。但希臘人個個現代人打扮，好多識講英文，同歐洲人無異，偏偏D城市道路 建築就好繁雜，電單車周圍飛，周街都流浪貓，完全無"精緻整潔"之感。 係巴士上睇左半個中風景，開始見到METRO，就落車搭地鐵，好快到達酒店，基本上係興奮地跑去酒店!!!! 一入LOBBY，老公就衝出黎擁抱我!!!!!!!!!!! 好開心呀!!!!!!!!!!!真係太愛呢個人，完全唔識反應~淨係想一直抱住同聞佢陣味~ 我同佢都好累，佢由香港去到多哈，留8個中，所以佢參加左QATAR TOUR，航空公司的私人TOUR，可以去晒主要景點，又唔使錢，佢講左好多次D汗係爆珠咁爆出黎......有生以來最熱........佢識到兩個澳門人，一齊有傾有講，仲一齊食飯。 係酒店沖完涼我地就出去行下，去衛城，食PITAR，去到見到歐盟學生免費，慳左20歐，其實都唔知點解咁貴。聽講希臘破產後每年都有措施打遊客主意，加酒店稅等等，但其實希臘酒店已經唔算貴，選擇又多。衛城附近好多商店，藍眼睛好多，老公好中意，好似細路咁樣樣都好奇。我地行衛城都行到悶，爛石爛柱，但全部都唔深色，好假咁，一地都係頹垣敗瓦，最靚都係個THEATRE，同埋可以由高處360度睇晒全個雅典。臨走仲比地上超滑的一忽雲石攪到PK，個PAT落先，痛左幾日。 之後我地去左食晚飯，D店員超主動拉客，又話TRIP ADVISOR好高分又成。不過佢地上菜都快手，個海鮮面又好好食，15歐左右已經食到一個PASTA，水一大支只係1歐，又唔會收加一，比起英國真係好唔同。成日形住佢地係靠夏天搵埋搵埋冬天使。 之後去埋博物館，奧林匹克跑步場等等景點，有EVENT所以唔比入，之後我地都係快快返去訓。我累到HIHI，同埋晒到燶左...........但酒店有早餐....聽朝都唔知食唔食好....
