全個九月都無一日係好天，次次香港想打風，英國都唔會好天。每日起身第一樣做既野就係睇下個天，一見到藍天就想出街，但好快就變傾盆大雨!!!!每日都唔過13度，夜晚都一定腳凍，天凍唯一好處係唔見晒D蚊滋。 話說我6月全個月都無去過新地方，個時仲係住RAILYARD，日日都係做功課，返下學，完全無特別。份功課要整一個POWERPOINT，所以有D心機，因為我中意做圖表多過寫字。個排日日都做下功課，好乖。同埋個時覺得如果自己一丁友去玩，寧願唔去。之前同老公+朋友過得實在太好，令我覺得....去旅行最緊要係"人"~~~好似無晒獨遊癮。 6月中左右，卡塔爾航空做PROMO，$3300連稅香港飛雅典。平到唔信!!! 黎英國，一心夢想去冰島同希臘! 難得最後一個夏天係英國，真係唔想錯失機會，老公又就到時間，就買左~~~~之後就晚晚笑住期待希臘之旅^^ 而家諗返起都覺得 期待更開心~~ 7月12我住的宿舍完約，我同學8月20就可以比我住到9月22，所以就決定係無地方住的40日都歐遊，除左頭十日同老公去希臘，後來都係獨遊，經過冰島之旅後，我唔會選擇逗留太長時間，個次由中意冰島悶到變唔中意。所以編排左好多城市!!! 而且一個首都最多都係5日，小城市就1,2日，最短一次係得40小時(計埋訓覺夜晚)。又係BUDGET先決，用SKYSCANNER按日期，之後DESTINATION打EVERYWHERE~最平又最有興趣就會揀~~~每程飛機都唔會超過$400，中段南法就揀巴士，都係幾十蚊。 2017年的盛夏，太多感想，太多衝激，到而家，想好好記存 吸收 同細味~~~
